महेन्द्रनगर – सुदूरपश्चिम प्रदेश सरकारको सामाजिक विकास मन्त्रालय अन्तर्गत सञ्चालनमा रहेको महाकाली प्रादेशिक अस्पतालमा नयाँ व्यवस्थापन समिति गठन गरिएको छ। समितिको अध्यक्षमा महेश प्रसाद पन्तलाई मनोनित गरिएको छ।
समितिका सदस्यहरूमा प्रशान्त भट्ट, इन्द्र साउद, पार्वती कुमारी भट्ट र कृष्ण बहादुर कुवर क्षेत्रीलाई नियुक्त गरिएको छ। नयाँ नेतृत्वसँगै अस्पतालको व्यवस्थापन र सेवा प्रवाहमा थप सुधार हुने अपेक्षा गरिएको छ।
नवनियुक्त अध्यक्ष पन्तसहित सम्पूर्ण सदस्यहरूलाई बधाई तथा सफल कार्यकालको शुभकामना व्यक्त गरिएको छ। उनीहरूको नेतृत्वमा अस्पतालबाट प्रदान गरिने स्वास्थ्य सेवा अझ प्रभावकारी, गुणस्तरीय र सर्वसुलभ बन्ने विश्वास लिइएको छ।
स्थानीय स्तरमै सहज र भरपर्दो स्वास्थ्य सेवा उपलब्ध गराउने उद्देश्यका साथ नयाँ व्यवस्थापन समितिले सेवा सुधार, व्यवस्थापन सुदृढीकरण तथा सेवाग्राहीको पहुँच विस्तारमा महत्वपूर्ण भूमिका खेल्ने अपेक्षा गरिएको छ।
Discussion about this post