लगातार बोलिरहँदा खोकी लागे के गर्ने ?

लगातार बोलिरहँदा हाम्रो घाँटी खसखसाउन थाल्छ र खोकी लाग्न सक्छ । लगातार बोल्दा किन खोकी लाग्छ ? तपाईँलाई थाहा छ ? लगातार बोलिरहँदा घाँटी सुक्खा हुन्छ, चिलाउँछ अनि जलन हुन्छ, जसले गर्दा खोकी लाग्न सक्छ ।

धेरै लामो समयसम्म वा धेरै ठुलो स्वरमा बोल्दा भोकल कर्डमा दबाब पर्छ, जसले गर्दा हलुका सुन्निने वा जलन हुन सक्छ । शरीरले यो जलन कम गर्न खोकेर प्रतिक्रिया दिन्छ ।

लगातार बोल्दा श्वासनलीमा रहेको खकार हल्लिन्छ । यो खकारले घाँटीको संवेदनशील हिस्सालाई छोयो भने पनि खोकी लाग्न सक्छ । कसैलाई ग्यास्ट्रोएसोफेजियल रिफ्लक्स रोग (जीईआरडी) वा एसीडीटी छ भने बोल्दा पेटको एसिड घाँटीसम्म आउन सक्छ, जसले गर्दा पोल्ने र खोकी लाग्ने हुन सक्छ ।

खोकीबाट बच्ने उपायहरू:
हाइड्रेटेड रहने:
लामो समयसम्म बोल्नुपर्छ भने आफ्नो घाँटीलाई ओसिलो राख्न तपाईँलाई बारम्बार पानी पिउनुपर्छ ।

घाँटीलाई आराम दिने:
लगातार बोल्नबाट बच्नुहोस् । केही सेकेन्डको लागि मौन रहनुहोस् । सम्भव भएसम्म आफ्नो घाँटीलाई आराम दिनुहोस् र केही समय मौन रहनुहोस् । यदि तपाईँलाई लामो समयसम्म बोलिरहनुपर्छ भने बेला बेलामा छोटो ब्रेक लिनुहोस् ।

उचित आवाज प्रयोग:
तपाईँलाई निरन्तर बोल्नुपर्छ भने आफ्नो आवाजलाई धेरै तनाव नदिनुहोस् । ठिक्कको पिच र भोल्युममा बोल्नुहोस् ।

(सल्लाहसहितको यो सामग्री सामान्य जानकारीका लागि अनलाइन स्रोतबाट तयार पारिएको हो । यो कुनै पनि हिसाबले योग्य चिकित्सा रायको विकल्प होइन । थप जानकारीको लागि सधैँ विशेषज्ञ वा आफ्नो डाक्टरसँग परामर्श गर्नुहोस् ।)