काठमाडौं । नेपाल टेलिकमको २२औँ वार्षिकोत्सवको अवसरमा वरिष्ठ प्राविधिक अधिकृत राम दत्त पन्त दीर्घसेवा कदर–पत्रसहित सम्मानित भएका छन् । नेपाल सरकारका गृह मन्त्री माननीय ओम प्रसाद अर्यालद्वारा पन्तलाई कदर–पत्र प्रदान गर्दै सम्मान गरिएको हो ।
नेपाल टेलिकममा दुई दशकभन्दा बढी समयदेखि निरन्तर सेवा दिँदै आएका पन्तले संस्थाको विकास, सेवा विस्तार तथा प्रविधि क्षेत्रमा महत्वपूर्ण योगदान पुर्याएको भन्दै उनलाई उक्त सम्मान प्रदान गरिएको नेपाल टेलिकमले जनाएको छ ।
वार्षिकोत्सव समारोहका क्रममा नेपाल टेलिकममा लामो समयसम्म समर्पित भई सेवा प्रदान गरेका कर्मचारीलाई कदर–पत्रसहित सम्मान गरिएको हो । संस्थामा निरन्तर रुपमा योगदान पुर्याउँदै आएका कर्मचारीको मेहनत, लगनशीलता र संस्थाप्रतिको समर्पणको कदर गर्दै उक्त सम्मान प्रदान गरिएको नेपाल टेलिकमले जनाएको छ ।
सम्मान ग्रहण गर्दै पन्तले यो उपलब्धि आफ्नो कार्यजीवनको महत्वपूर्ण क्षण भएको उल्लेख गर्दै कर्मथलो नेपाल टेलिकम तथा सहयोग गर्ने सम्पूर्ण सहकर्मीप्रति आभार व्यक्त गरेका छन् । उनले आगामी दिनमा पनि संस्थाको लक्ष्य हासिल गर्न थप जिम्मेवारीका साथ काम गर्ने प्रतिबद्धता व्यक्त गरेका छन् ।
नेपाल टेलिकमले देशभर दूरसञ्चार सेवा विस्तार गर्दै आइरहेको छ । संस्थाले कर्मचारीको योगदानको उच्च मूल्यांकन गर्दै समय–समयमा यस्ता सम्मान कार्यक्रम सञ्चालन गर्दै आएको छ ।
Discussion about this post