काठमाडौ – स्वास्थ्य तथा जनसंख्या मन्त्रालयले देशका विभिन्न स्थानमा भएको प्रदर्शन र आन्दोलनका क्रममा घाइते भएका नागरिकहरूको उपचारका लागि रगतको माग बढेको भन्दै सबैलाई रक्तदान गर्न आग्रह गरेको छ।
मन्त्रालयद्वारा जारी विज्ञप्तिमा इच्छुक रक्तदाताहरू, स्वयंसेवी संस्था, संघसंस्था तथा केन्द्रीय रक्त सञ्चार केन्द्र र नजिकका अस्पतालमा गई रक्तदान गरी घाइतेहरूको उपचारमा सहयोग गर्न अनुरोध गरिएको छ।
घाइतेहरूको ज्यान बचाउन र उपचारमा सहयोग गर्नका लागि तत्काल रगतको आवश्यकता परेकाले सबै नागरिकलाई यो मानवीय कार्यमा सहभागी हुन मन्त्रालयले आह्वान गरेको हो।
यससँगै, मन्त्रालयले सबै रक्त सञ्चार केन्द्रहरूलाई आवश्यक व्यवस्था मिलाउन र रक्तदान अभियानलाई प्रभावकारी बनाउन पनि निर्देशन दिएको छ
Discussion about this post