काठमाडौँ ( राष्ट्रिय स्वतन्त्र पार्टी (रास्वपा) ले वर्तमान सरकारले शान्तिपूर्ण प्रदर्शनमाथि गरेको दमनको भर्त्सना गर्दै गृहमन्त्रीको तत्काल राजीनामा माग गरेको छ।
बुधबार जारी एक विज्ञप्तिमा रास्वपाले निहत्था युवाहरूमाथि भएको बर्बर दमनलाई ‘असभ्य र जंगली राज’को संज्ञा दिएको छ।
विज्ञप्तिमा भनिएको छ, “देशमा व्याप्त भ्रष्टाचार, कानुनी शासनको अवहेलना, र कुशासनका विरुद्ध जेहनदार युवाहरूले आयोजना गरेको प्रदर्शनमा सरकारले गरेको बर्बर दमनको राष्ट्रिय स्वतन्त्र पार्टी भर्त्सना गर्दछ।”
पार्टीले शान्तिपूर्ण आन्दोलनमा भएको हस्तक्षेपलाई ‘जंगली राजको पुनरावृत्ति’ भन्दै त्यसप्रति घोर आपत्ति जनाएको छ।
रास्वपाले घटनाको निष्पक्ष छानबिनका लागि उच्चस्तरीय न्यायिक आयोग गठन गर्न र दोषीमाथि तत्काल कारबाही गर्न पनि माग गरेको छ। साथै, घाइतेहरूको निःशुल्क उपचारको व्यवस्था गर्न सरकारलाई आग्रह गरेको छ।
पार्टीका महामन्त्री कविन्द्र बुर्लाकोटीद्वारा हस्ताक्षरित वि
ज्ञप्तिमा नेपाली कांग्रेस र नेकपा एमालेको बर्बर दमनको इतिहासलाई स्मरण गराउँदै वर्तमान संघीय संसदले कुनै पनि राष्ट्रको मूल हक र अधिकारलाई कुण्ठित पार्ने कार्य नगर्न चेतावनी पनि दिइएको छ। यसअघिका सरकारले गरेको गलत कदमको पुनरावृत्ति वर्तमान सरकारले गर्न लागेको भन्दै पार्टीले चिन्ता व्यक्त गरेको छ।
यो घटनाको विरोधमा पार्टीले आगामी कदमबारे छलफल गर्न सचिवालय बैठक बोलाएको जनाएको छ।
Discussion about this post