कञ्चनपुर । कञ्चनपुरको कृष्णपुर नगरपालिका–२, बाणीका युवा क्रिकेटर आदित्य महतालाई नेपाल प्रिमियर लिग (एनपीएल) २०८२ को दोस्रो संस्करणका लागि जनकपुर बोल्ट्सले ५ लाख रुपैयाँमा अनुबन्ध गरेको छ।
‘सी’ क्याटेगोरीमा रहेका महता अब आगामी सिजनमा जनकपुरको जर्सीमा मैदानमा देखिनेछन्।
महतालाई आफ्नो टोलीमा भित्र्याउन जनकपुर बोल्ट्स र सुदूरपश्चिम रोयल्स दुवै इच्छुक थिए। दुई टोलीबीच प्रतिस्पर्धात्मक बोली (बिडिङ) भएपछि गोलाप्रथाबाट जनकपुर बोल्ट्सले महतालाई आफ्नो स्क्वाडमा सामेल गर्न सफल भयो।
युवा क्रिकेटर आदित्य महता स्थानीय, क्षेत्रीय, राष्ट्रिय तथा अन्तर्राष्ट्रिय प्रतियोगिताहरूमा उत्कृष्ट प्रदर्शन गरिसकेका महता दायाँ हाते ब्याट्सम्यान र अंशकालिक बलरका रूपमा परिचित छन्।
नेपाल क्रिकेट संघ (CAN) को आयोजनामा हुने यस प्रतियोगितामा देशभरका उत्कृष्ट खेलाडीहरू सहभागी हुँदैछन्।
Discussion about this post