दूध र आँपलाई एकसाथ खान मिल्छ ?

गर्मीको मौसम सुरु भएसँगै बजारमा म्याङ्गो शेक बिक्री हुन थाल्छ । म्याङ्गो शेक पिउन त धेरै स्वादिष्ट हुन्छ । तर यसको सेवन स्वास्थ्यको लागि पटक्कै राम्रो मानिँदैन ।

आयुर्वेदका अनुसार दूध र आँप सँगै खानु स्वास्थ्यको लागि हानिकारक छ । आँप प्राकृतिक चिनी र फाइबर भएको गुलियो फल हो । दूध जनावरबाट पाइने वस्तु हो । यो पचाउन धेरै समय लाग्छ । सँगै सेवन गर्दा यो संयोजनले पाचनमा समस्या निम्त्याउँछ ।

जानौँ, किन दूध र आँप सँगै खानु हुँदैन ?

टक्सिन बन्ने खतरा
आँपलगायत केही फलफूलमा दूध मिसाउँदा विषाक्त पदार्थ बन्ने चेतावनी आयुर्वेदले दिएको छ । आँपलगायत केही फलफूलमा दूध मिसाउँदा टक्सिन बन्छ । यसको सेवन गर्दा शरीरमा टक्सिन जम्मा हुन्छ र रोग प्रतिरोधात्मक क्षमता कम हुन्छ । छालाको समस्या हुन्छ अनि मेटाबोलिज्म सुस्त हुने विश्वास गरिन्छ ।

छालासम्बन्धी समस्या
आँप र दूध सँगै सेवन गर्दा छालाको समस्या हुन्छ । आँप र दूधको संयोजनले बिबिरा आउने, दाग बस्ने वा एलर्जी हुने जस्ता छालाको समस्या निम्तिन सक्छ ।

ल्याक्टोज इन्टोलरेन्सको समस्या
ल्याक्टोज इन्टोलरेन्सको समस्या भोगिरहेका व्यक्तिहरूले आँप र दूध सँगै खानु हुँदैन । आँपमा पाइने प्राकृतिक एसिडले शरीरलाई ल्याक्टोज पचाउन गाह्रो बनाउन सक्छ, जसले गर्दा पेट दुख्ने, वाकवाकी लाग्ने वा पखाला लाग्ने आदि समस्या हुन्छ ।

पाचनमा सहयोग गर्नुको सट्टा, दूधसँग आँप खाँदा समस्या बढ्न सक्छ । ताजा आँपलाई दूधमा मिसाउनुको सट्टा यी दुबैलाई छुट्टा छुट्टै पिउनु राम्रो हुन्छ ।