काठमाण्डाै – नेपाली राष्ट्रिय क्रिकेट टाेलीका अलराउन्डर गुल्सन झा र साेमपाल कामीले टी–२० अन्तर्राष्ट्रिय क्रिकेट शृङ्खला पनि गुमाउने भएका छन् ।
आईसीसी क्रिकेट विश्वकप लिग–२ अन्तर्गत स्कटल्यान्डमा भइरहेकाे त्रिदेशीय एकदिवसीय अन्तर्राष्ट्रिय क्रिकेट शृङ्खलामा नेदरल्यान्ड्ससँगकाे खेलअघिकाे अभ्यासका क्रममा घाइते भएका गुल्सन र साेमपालले टी–२० शृङ्खला पनि गुमाउने नेपाल क्रिकेट सङ्घ (क्यान) ले जनाएकाे छ ।
लिग–२ को आफ्नो चौथो चरणको शृङ्खलामा नेपालले आज चाैथाे तथा अन्तिम खेलमा नेदरल्यान्ड्ससँग खेलिरहेकाे हाे । नेपालले पहिलाे खेलमा स्कटल्यान्डलाई १ विकेटले हराएकाे थियाे । दाेस्राे खेलमा नेपालले नेदरल्यान्ड्सलाई ५ विकेटले हराएकाे थियाे । तेस्राे खेलमा भने नेपाल स्कटल्यान्डसँग २ रनले पराजित भएकाे थियाे ।
लिग–२ सकिएपछि नेपाल, घरेलु टाेली स्कटल्यान्ड र नेदरल्यान्ड्सबीच टी–२० शृङ्खला शुरू हुनेछ ।
Discussion about this post