कञ्चनपुर । नेपाल प्रेस युनियन कञ्चनपुर शाखाले ३४ औ स्थापना दिवसको उपलक्ष्यमा अनाथालयमा शैक्षिक सामग्री सहयोग गरिएको छ ।
मङ्गलवार नेपाल प्रेस युनियन स्थापना भएको ३४औ वर्षको उपलक्ष्यमा महेन्द्रनगरमा रहेको समाज कल्याण अञ्चल बाल अनाथालयमा रहेका बालकहरूलाई शैक्षिक सामग्रीहरू सहयोग गरिएको छ ।
कार्यक्रमलाई सम्बोधन गर्दै नेपाल प्रेस युनियनका सुदूरपश्चिम प्रदेशका महासचिव हरिस भट्टले लोकतन्त्र बादी पत्रकारहरूको अग्रणी संस्था नेपाल प्रेस युनियनमा आबद्ध आज सबै क्षेत्रमा कार्यक्रमको आयोजना गरी आफ्नो स्थापना दिवस मनाई रहेको बताउनु भयो ।
त्यसै सन्दर्भमा कञ्चनपुरमा पनि अनाथालयमा रहेका साना बाबुहरूलाई केही शैक्षिक सामग्रीहरू सहयोग गर्ने भन्ने धारणा अनुसार सानो सहयोग गरिएको बताउनु भयो साथै उहाँले सम्पूर्णमा हार्दिक शुभकामना पनि व्यक्त गर्नुभयो ।
अनाथालयका सञ्चालक दयाकृष्ण जोशीले आफ्नो स्थापना दिवसमा अनाथालयमा आएर अबोध बालकहरूलाई शैक्षिक सामग्री सहयोग गरेको प्रति हार्दिक धन्यवाद व्यक्त गर्नु भयो ।
उक्त कार्यक्रममा नेपाल प्रेस युनियन कञ्चनपुरका अध्यक्ष तेजबहादुर सिंह, नेपाल प्रेस युनियनका संस्थापक अध्यक्ष माधव धामी, नेपाल प्रेस युनियन कञ्चनपुरका सचिव देवेन्द्र खडका, कोषाध्यक्ष सङ्कर दत्त अवस्थी, सदस्य सुजित सिनाल, ऐश्वर्या कुँवर, कविता गौडको उपस्थिति रहेको थियो ।
Discussion about this post