कञ्चनपुर । नेपालको शिक्षा प्रणालीमा प्रविधि समावेशीकरणको उद्देश्यसहित नोट स्विफ्टले द्वारा नेपालकै पहिलो ‘एड-टेक राउन्ड टेबल’ चैत २५ गते गर्यो। ‘फर दि फ्युचर अफ एजुकेसन इन नेपाल’ भन्ने मूल नाराका साथ आयोजित सो कार्यक्रममा शिक्षा क्षेत्रका विशिष्ट व्यक्तित्वहरूको सक्रिय सहभागिता रह्यो।
कार्यक्रममा राष्ट्रिय परीक्षा बोर्ड, सुदूरपश्चिम शाखाका प्रतिनिधि राम दत्त भट्ट, सार्क एजुकेसन फाउन्डेसनका प्रमुख कार्यकारी अधिकृत डा. लक्ष्मण बस्नेत, सुदूरपश्चिम विश्वविद्यालयकी उप–प्राध्यापक निशा भट्ट, वेदा एपका का प्रमुख कार्यकारी अधिकृत निर्देश द्वा, श्री लक्ष्मी माध्यमिक विद्यालयका प्रधानाध्यापक परमानन्द नाथ, तथा नोट स्विफ्ट प्रा.ली. का संस्थापक एवम् प्रमुख कार्यकारी अधिकृत विकास पाण्डेयजस्ता प्रतिष्ठित व्यक्तित्वहरूसँग ग्रामीण शिक्षा प्रणालीमा विद्यमान चुनौतीहरूको पहिचान गर्दै प्रविधिमैत्री समाधानहरूबारे गहन छलफल गरियो।
उक्त कार्यक्रमको नोट स्विफ्ट प्रा.लि. का सिओओ विषाल भट्टले सञ्चालन गरे।
कार्यक्रममा ग्रामीण शिक्षा प्रणालीमा विद्यमान चुनौतीहरूको पहिचान गर्दै प्रविधिमैत्री समाधानहरूबारे गहन छलफल गरियो। वक्ताहरूले डिजिटल प्रविधिको प्रयोगमार्फत शिक्षा प्रणालीमा गुणात्मक सुधार ल्याउन सकिने विषयमा आ–आफ्नो दृष्टिकोण प्रस्तुत गरे। त्यसैगरी विशेषतः नेपालका दुर्गम क्षेत्रका विद्यार्थीहरूलाई प्रविधिको सहायताले कसरी गुणस्तरीय शिक्षा उपलब्ध गराउन सकिन्छ भन्ने विषयमा केन्द्रीय छलफल गरियो।
उक्त ‘एड-टेक राउन्ड टेबल’ डिजिटल प्लेटफर्ममार्फत तिन भागमा सार्वजनिक गरिदैँछ। नोट स्विफ्टको युट्युब च्यानलबाट यसको पहिलो भाग सार्वजनिक गरिएको छ। यसको दोस्रो भाग शुक्रबार सार्वजनिक गरिने र तेस्रो भाग अर्को शुक्रबार सार्वजनिक गरिने नोट स्विफ्टले जनाएको छ।
‘एड-टेक राउन्ड टेबल’ को पहिलो भाग हेर्न लिङ्कमा जानुहोस्
Discussion about this post