कुन समयमा कफी पिउँदा बढी फाइदाजनक ?

काठमाडौँ । कफी संसारमा सबैभन्दा लोकप्रिय पेय मध्ये एक हो । सबै उमेरका मानिसहरू कफी पिउन मन पराउँछन् । वासनाले मानिसहरू कफीतिर आकर्षित हुन्छन् ।

धेरैजसो मानिस बिहान बिहान उठ्ने बित्तिकै कफी पिउन मन पराउँछन् । कतिलाई भने दिउँसो कफी पिउँदै काम गर्न मन लाग्छ । केही मानिस कफीप्रति यति मोहित हुन्छन् कि सुत्नुअघि पनि कफी पिउँछन् । कफी स्वास्थ्यका लागि फाइदाजनक छ । तर कफी पिउने उपयुक्त समय हुन हो ? के तपाईंलाई थाहा छ ? यदि छैन भने, तपाईंले यस बारे जान्नै पर्छ ।

हेल्थलाइनको रिपोर्ट अनुसार कफी पिउने सबैभन्दा उत्तम समय बिहान ९ः३० देखि ११ः३० सम्म हो । यस समयमा अधिकांश मानिसको कोर्टिसोल स्तर कम हुन्छ । कर्टिसोल तनाव हार्माेन हो । मान्छेको कर्टिसोल स्तर कम भएको समयमा कफी पिउनु बढी फाइदाजनक हुन्छ भनेर भनिन्छ । वास्तवमा, क्याफिनले कोर्टिसोल स्तर बढाउन सक्छ । अत्यधिक तनावमा भएको समयमा हामीले कफी पिउनु हुँदैन । तर यस विषयमा विज्ञहरूको फरक मत छन् । धेरै विज्ञहरूले यसलाई कफी पिउने सबैभन्दा राम्रो समय मान्छन् भने केही विज्ञहरू यसमा सहमत छैनन् ।

अब प्रश्न उठ्छ कि दिनमा कति कफी पिउने ? कयौँ अनुसन्धानका अनुसार, एक स्वस्थ व्यक्तिले प्रति दिन ४०० मिलिग्राम क्याफिन उपभोग गर्न सक्छ । अझ बुझ्ने भाषामा भन्नु पर्दा दिनमा लगभग चार कप (९५० एमएल)सम्म कफी पिउन सुरक्षित मान्न सकिन्छ ।

गर्भवती र स्तनपान गराउने महिलाले दिनमा ३०० मिलिग्राम (२–३ कप) भन्दा बढी कफी पिउनु हुँदैन । केही अध्ययनहरूले त दिनमा २ कप भन्दा बढी कफी पिउनु हुँदैन भनेर पनि देखाएका छन् । क्याफिन कफीमा मात्र नभई चिया, चिसो पेय पदार्थ, इनर्जी ड्रिङ्क र डार्क चकलेटमा पनि पाइन्छ ।

स्वास्थ्य विज्ञहरूको कुरा मान्ने हो भने राति कफी पिउनबाट जोगिनुपर्छ । नत्र निद्रामा समस्या हुनसक्छ । बिहानदेखि बेलुकासम्म कफी पिउन सकिन्छ, तर राती सुत्नुभन्दा केही घण्टा अगाडि कफी पिउन छोड्नु पर्छ भन्ने यिनीहरूको राय छ ।

यसो नगर्दा निद्रामा धेरै खाले समस्या आउन सक्छ र कयौँ रोगको जोखिम पनि बढ्न सक्छ । यदि कुनै व्यक्ति उच्च रक्तचापबाट ग्रसित छ भने ऊ पनि कफीबाट टाढा रहनुपर्छ । रातोपाटी बाट साभार