कञ्चनपुर । कञ्चनपुरको महेन्द्रनगरमा एक सहकारी संस्थाले पुस १५ को अवसरमा रक्तदान कार्यक्रम गरेको छ । भीमदत्त–१६ मझगाँउमा रहेको रत्न कृषि बहुउद्देश्यीय सहकारी संस्था लिमिटेडले दोस्रो पटक विभिन्न सङ्घ संस्था तथा व्यक्तिहरूको सहकार्यमा रक्तदान कार्यक्रम सम्पन्न गरेको हो ।
उक्त रक्तदान कार्यक्रममा सहकारीका अध्यक्ष दशरथ धानुकको अगुवाईमा रेडक्रस सोसाइटी जिल्ला शाखा कञ्चनपुर, लाईफ केयर प्याथोलोजी महेन्द्रनगर, हाम्रो मासु पसल महेन्द्रनगर, यु.डी.सर्जिकलस महेन्द्रनगर, पुर्चौडी समाज कञ्चनपुर, एस ब्युटी स्टुडियो एण्ड ट्रेनिङ सेन्टर महेन्द्रनगर, वडा नम्बर १६ को कार्यालय भीनपा कञ्चनपुर, पुरन बस्नेत भीनपा–१६, लव बहादुर बिष्ट भीनपा–१६ लगायतको सहकार्यमा कार्यक्रम सम्पन्न गरिएको थियो ।
सहकारी संस्थाले यस भन्दा पूर्व पनि रक्तदान कार्यक्रम चलाएको बताउँदै ३१ जनाको स्वास्थ्य चेकजाँच पछि २५ जनाले रक्तदान गरेको अध्यक्ष धानुकले बताएका छन् ।
