कैलाली । घातक रोगबाट उपचाररत धनगढीका दिल बहादुर कुँवरलाई एनआईसी एशिया बैङ्कले बिमा गरे बापत बिमा रकम सहयोग गरेको छ । कैलालीको धनगढी उपमहानगरपालिका वडा नम्बर १ का कुँवरलाई घातक रोग बीमा वापत एनआईसी एसिया बैङ्कले रू १० लाख उपलब्ध गराएको हो ।
सिफारिस
कुँवरलाई एनआईसी एशिया बैङ्क सुदूरपश्चिम प्रदेशका प्रमुख जीवन शाहीले १० लाख रुपैयाँको चेक हस्तान्तरण गरेका छन् । आईजीआई प्रुडेन्सियल इन्स्युरेन्स कम्पनीको सहकार्यमा उक्त बीमा वापतको लाभ प्रदान गरिएको बैङ्कले जनाएको छ।
