कञ्चनपुर । नेकपा माओवादी केन्द्र कृष्णपुर नगरपालिका ३ को वडाध्यक्षमा केशव बहादुर बम चयन भएका छन् । बुधबार नेकपा माओवादी केन्द्र कृष्णपुर ३ को दोस्रो वडा सम्मेलनबाट अध्यक्षमा बम चयन भएका हुन् ।
नेकपा माओवादी केन्द्र कृष्णपुरका नगर इन्चार्ज दिपक खत्री (निर्माण) ले नगरका सबै वडाहरूमा सम्मेलन अन्तरगत ३ मा भएको सम्मेलनबाट नयाँ कार्य समिति चयन गरिएको बताए । उपाध्यक्ष भुक्क चौधरी, सचिव भीमराज जोशी, कोषाध्यक्ष लक्ष्मी जोशी सह सचिव प्रेम चौधरी लगायतका २५ सदस्यीय चयन भएका छन् ।
माओवादी केन्द्र कृष्णपुर ३ मा निवर्तमान वडा अध्यक्ष जोक सुनारको अध्यक्षमा माओवादी केन्द्रका केन्द्रीय सदस्य तथा सुप प्रदेशका सांसद ओम विक्रम भाट (सरल) को प्रमुख आतिथ्यमा भएको सम्मेलनमा पाटी जिल्ला संयोजक खेमराज पाण्डेय, प्रदेश सचिवालय सदस्य अक्कल बहादुर बोहरा, कृष्णपुर नगर इन्चार्ज दीपक खत्री (निर्माण) निर्वाचन मण्डलका अध्यक्ष भुवनराज पन्त सहितका नेता कार्यकर्ताहरूको सहभागिता रहेको थियो ।
कार्यक्रमका प्रमुख अतिथि माओवादी केन्द्रका केन्द्रीय सदस्य तथा प्रदेश सांसद ओम विक्रम भाट (सरल) ले पाटीको नीति, कार्यक्रम अनुरूप जनताको आधारभूत समस्यालाई केन्द्रीत गरेर वडा कमिटीलाई कामकाज गर्न निर्देशन दिएका छन ।
Discussion about this post