कञ्चनपुर । दैजी बजार व्यवस्थापन समितिको पहिलो साधारण सभा सम्पन्न भएको छ। शनिबार होटल हाइवे ग्रिनको सभाहलमा उक्त सभा सम्पन्न भएको हो।
कार्यक्रममा दैजी बजार व्यवस्थापन समितिका अध्यक्ष तेज बहादुर ठकुल्लाको सभापतित्व रहेको थियो भने वेदकोट नगरपालिकाका नगर प्रमुख भोजराज बोहराको प्रमुख आतिथ्य रहेको थियो।
कार्यक्रममा वेदकोट -१० का वडा अध्यक्ष रतन सिह विष्ट , होटल व्यवसायी सङ्घ कञ्चनपुरका अध्यक्ष रामचन्द्र रेग्मी लगायतको विशिष्ट आतिथ्य रहेको थियो। कार्यक्रममा बोल्दै वेदकोट नगरपालिकाका नगर प्रमुख भोजराज बोहराले बजारलाई थप व्यवस्थित गर्दै लैजानुपर्नेमा जोड दिए । साथै नगर प्रमुख बोहराले वेदकोट नगर उद्योग वाणिज्य सङ्घले पनि सकृय हुनुपर्ने बताए।
त्यसैगरी होटल व्यवसायी सङ्घ कञ्चनपुरका अध्यक्ष रामचन्द्र रेग्मीले व्यवसायीका पिर मर्कालाई समाधान गर्दै बजारमा व्यवसायिक वातावरण बनाउनुपर्नेमा जोड दिए।
समितिका अध्यक्ष तेज बहादुर ठकुल्लाले बजार व्यवस्थित बनाउने विषयमा आफू गम्भिर भएर लागेको बताए । उनले बजारमा खानेपानी, शौचालय, सरसफाइ लगायतको उचित व्यवस्थापन समितिको प्राथमिकतामा रहेको बताए।
Discussion about this post