कञ्चनपुर – अखिल क्रान्तिकारी (बैद्य समुह) ले कञ्चनपुरका सात विद्यालयमा खानेपानी तथा सरसफाइ सामाग्री वितरण गरेको छ । मंगलबार विद्यार्थी दिवसको अवसर पारेर बैद्य निकट अखिल क्रान्तिकारीले जिल्लाका सात विद्यालयमा खानेपानी एवम् सरसफाइ सामाग्री वितरण गरेको हो ।
अखिल क्रान्तिकारी सुदूरपश्चिम प्रदेशका इन्चार्ज सुरेन्द्र धानुकले दिवसका अवसरमा सामुदायिक विद्यालयमा विद्यार्थीको सहजताका लागि केही सामाग्री वितरण गरिएको बताए । उनका अनुसार महेन्द्रनगर मावि, बैजनाथ मावि, शान्ति निकेतन, बैजनाथ आधारभूत, लक्ष्मी मावि गौरीशंकर आधारभूत र त्रिभुवन माविमा पानी पिउने बाल्टी, गिलास र डस्टबिन वितरण गरिएको छ ।
बैद्य क्रान्तिकारीले महेन्द्रनगरको अमर शहीद आधारभूत विद्यालयका विद्यार्थीलाई शैक्षिक सामाग्री वितरण गरिएको छ । बैद्य निकट क्रान्तिकारीका कञ्चनपुरका संयोजक बिरेन्द्र नाथले अमर शहीदमा रहेका शसक्त विद्यार्थीलाई शैक्षिक सामाग्री सहित फलफूल वितरण गरिएको बताए । कार्यक्रममा क्रान्तिकारी कम्युनिष्ट पाटी कञ्चनपुरका नेता कार्यकर्ता, शिक्षक, अभिभावक, विद्यार्थीको सहभागिता रहेको थियो ।
![Dirghayu Ads](https://sudurpashimkhabar.com/wp-content/uploads/2024/06/Dirghayu.gif)