कञ्चनपुर – कञ्चनपुरको भीमदत्त नगरपालिका १५ खैरभट्टीमा रहेको लक्ष्मी माध्यमिक विद्यालयमा लागूऔषध नियन्त्रण समबन्धी अन्तरक्रिया कार्यक्रम सम्पन्न गरिएको छ। शुक्रबार सम्पन्न उक्त कार्यक्रममा समाजसेवी एवम् विद्यालयका पूर्व प्रधानाध्यापक नरेन्द्र बहादुर भण्डारीको प्रमुख आतिथ्य रहेको थियो भने विद्यालय व्यवस्थापन समितिका अध्यक्ष बिरेन्द्र सिह साउदको सभापतित्व रहेको थियो।
कार्यक्रममा विद्यालय व्यवस्थापन समितिका अध्यक्ष साउदले विद्यार्थीहरूलाई लागू औषध सेवन नगर्न र सेवन गर्नबाट बच्न विद्यार्थीहरूलाई प्रेरणा दिएका थिए। उनले नयाँ शैक्षिक वर्षदेखि विद्यार्थीको सिकाइलाई थप प्रभावकारी बनाउन नर्सरी देखि कक्षा तिन सम्म अंग्रेजी माध्यममा तथा स्मार्ट टीभीद्वारा समेत कक्षा सञ्चालन गरिने बताए।
साथै उनले सरकारी विद्यालयको स्तरोन्नति गर्न शिक्षक, विद्यार्थी, अभिभावक, कर्मचारी र जनप्रतिनिधि लगायतको सहभागिता हुनुपर्नेमा जोड दिए। अध्यक्ष साउदले कञ्चनपुर जिल्लामा लागूपदार्थ दुर्व्यसनले आक्रान्त भएको बताउँदै न्यूनिकरण गर्न सबै तहबाट कदम चलाउनु पर्नेमा जोड दिए। त्यसैगरी प्रमुख अतिथि भण्डारीले पनि लागूपदार्थ न्यूनिकरणमा सबै तहबाट कदम चाल्नुपर्नेमा जोड दिए।
कार्यक्रममा बोल्दै विद्यालयका प्रधानाध्यापक प्रकाश चन्दले शैक्षिक सुधार गर्न आफू प्रतिवद्ध रहने बताउँदै विद्यालयमा लागूपदार्थ न्यूनिकरण समबन्धी कार्यक्रमहरू निरन्तर सञ्चालन गरिरहने बताएका छन्। त्यसैगरी नमूना समाजका प्रतिनिधी गंगादत्त भट्टले लागूऔषध नियन्त्रण समबन्धी सम्पूर्ण कार्यक्रमहरूमा आफ्नो सहभागिता रहने प्रतिवद्धता गरेका छन्।
उक्त कार्यक्रमको सञ्चालन विद्यालयका सहायक प्रधानाध्यापक डिकर देव भट्टले सञ्चालन गरेका थिए। विद्यार्थीहरूको परीक्षाको नतिजा पनि प्रकाशित गरिएको छ भने नयाँ वर्षमा भर्ना अभियान पनि सुरू गरिने विद्यालयले जनाएको छ।
Discussion about this post