कञ्चनपुर - वेदकोट नगरपालिका ७ सुडामा रहेको रहेको घटाल बहुमुखी क्याम्पसले होली खेल्ने कार्यक्रमको आयोजना गरेको छ। नगरपालिकाको एकमात्र क्याम्पस घटाल बहुमुखी क्याम्पसले संस्कृति प्रवर्द्धन, क्याम्पसको प्रचार प्रसार तथा क्याम्पस सञ्चालन गर्न अर्थ सङ्कलनको उद्देश्यले शुक्रबारदेखि होली खेल्ने कार्यक्रम सुरू गरेको हो।
होली खेल्ने कार्यक्रमको शुभारम्भ वेदकोट नगरपालिकाका उपप्रमुख तुलसी जोशीद्वारा गरिएको क्याम्पसका सञ्चालक समिति अध्यक्ष नारायण वैद्यले जानकारी दिएका छन् साथै उनले नगरपालिकाको एकमात्र क्याम्पस घटाल बहुमुखी क्याम्पसले संस्कृति प्रवर्द्धन, क्याम्पसको प्रचार प्रसार तथा क्याम्पस सञ्चालन गर्न अर्थ सङ्कलनको उद्देश्यले उक्त कार्यक्रमको आयोजना गरेको बताएका छन्।
कार्यक्रमको नेतृत्व नेपाली कांग्रेसका निवर्तमान जिल्ला सभापति हरिप्रसाद बोहराले गरेका छन्। तिन दिनसम्म सञ्चालन गरिने उक्त कार्यक्रमको पहिलो दिन वेदकोट नगरपालिका वडा नम्बर ८ का अध्यक्ष महेशराज जोशीले रू १५ हजार ५ सय ५५ प्रदान गर्नुका साथै क्याम्पस सञ्चालन गर्नका निमित्त रू १ लाख २५ हजार बजेट सहयोग उपलब्ध गराउने लिखित प्रतिवद्धता समेत गरको सञ्चालक समिति अध्यक्ष वैद्यले बताएका छन्।
त्यसैगरी अमर सामुदायिक वनले समेत रू ५ हजार नगद तथा १ क्याम्पस सञ्चालन गर्न रू १ लाख बजेट दिने प्रतिवद्धता गरेको छ भने वेदकोट नगरपालिका वडा नम्बर ४ ले न एक लाख, वडा नम्बर ५ ले एक लाख पचास हजार, वडा नम्बर ९ ले एक लाख र वडा नम्बर १० ले समेत क्याम्पस सञ्चालनमा ल्याउन एक लाख एक हजार बजेट सहयोग गर्ने प्रतिवद्धता गरेको छ। वेदकोट नगरपालिकाले नगर रू २१ हजार प्रदान गर्नुका साथै क्याम्पस सञ्चालन गर्न हरेक सम्भव प्रयास गर्ने जनाएको छ।
Discussion about this post