कञ्चनपुर – माछापुच्छ्रे बैंक लिमिटेड शाखा कार्यालय महेन्द्रनगरले वित्तिय साक्षरता कार्यक्रम सम्पन्न गरेको छ। ‘ग्लोबल मनी वुइक २०२४’ अन्तर्गत बुधबार महेन्द्रनगरमा एक कार्यक्रमको आयोजना गर्दै बैंकले वित्तिय साक्षरता कार्यक्रम सम्पन्न गरेको हो।
उक्त कार्यक्रम महिला समुहहरूलाई लक्षित गरी आयोजना गरिएको थियो। माछापुच्छ्रे बैंक लिमिटेड शाखा कार्यालय महेन्द्रनगरका अपरेसन इन्चार्ज सुरेश रावलका अनुसार कार्यक्रममा वित्तिय साक्षरता कार्यक्रम अन्तर्गत बैङ्किङ गर्दा ध्यान दिनुपर्ने कुराहरू, बचत कसरी सुरक्षित गर्ने बैङ्कबाट ऋण कसरी लिने लगायतका कुराहरूमा जानकारी गराइएको छ।
उक्त कार्यक्रम व्यक्तिको पैसा तथा पैसा सम्बन्धी हुने कारोबारलाई लक्षित गरि सञ्चालन गरिएको उनको भनाइ रहेको छ। उनले भने ‘कार्यक्रम व्यक्तिको पैसा तथा पैसा सम्बन्धी हुने कारोबारलाई लक्षित गरि सञ्चालन गरिएको थियो जसमा पैसाको सदुपयोग गरी कसरी भविष्य सुनिश्चित गर्ने भन्ने कुराको विश्लेषण गरिएको थियो।’
Discussion about this post