कञ्चनपुर – कञ्चनपुरको वेदकोट नगरपालिका ७ मा रहेको घटाल मावि सुडामा २५ वर्षदेखि शिक्षण पेसामा रहेर अवकाश हुनुभएका शिक्षक नरेश बहादुर केसीको भव्य बिदाइ गरिएको छ। मंगलबार एक कार्यक्रमको आयोजना गरि उनको बिदाइ गरिएको स्थानीय एवम् समाजसेवी नरेश भट्टले जानकारी दिएका छन्।
केसी ३८ वर्ष शिक्षण पेसामा आवद्ध रहेका थिए। उनी २०४२ सालदेखि भने घटाल मावि सुडामा शिक्षण पेसामा आवद्ध रहेका थिए। उनले १३ वर्ष भुवनेश्वरी मावि सिसैयामा पनि शिक्षण गरेका थिए। बिदाई कार्यक्रममा वेदकोट नगरपालिका वडा नम्बर ७ का अध्यक्ष थानेश्वर प्रसाद भट्टको प्रमुख आतिथ्य रहेको थियो भने घटाल मावि सुडाका प्रधानाध्यापक कृष्ण भण्डारीको सभापतित्व रहेको थियो।
![Mahakali Polytechnic](https://sudurpashimkhabar.com/wp-content/uploads/2024/08/Mahakali.gif)
अवकाश भएका केसीलाई विद्यालयका शिक्षक, विद्यार्थी, विद्यालय व्यवस्थापन समिति, पिटिएका पदाधिकारी लगायतले मायाको चिनो प्रदान गरेका छन् भने उनलाई उनको घरैसम्म ब्यान्डबाजा र गाडी सहित पुगाइएको समाजसेवी भट्टको भनाइ रहेको छ।
![Dirghayu Ads](https://sudurpashimkhabar.com/wp-content/uploads/2024/06/Dirghayu.gif)