कञ्चनपुर – कञ्चनपुरको महेन्द्रनगरस्थित श्री बैजनाथ माध्यमिक विद्यालयको ५८ औँ वार्षिकोत्सव तथा अभिभावक दिवस सम्पन्न भएको छ। शनिबार सम्पन्न उक्त कार्यक्रममा कार्यक्रममा नेपाली कांग्रेसका प्रमुख सचेतक तथा कञ्चनपुर क्षेत्र नं. ३ का प्रतिनिधि सभा सदस्य रमेश लेखकको प्रमुख आतिथ्य रहेको थियो भने विद्यालय व्यवस्थापन समितिका अध्यक्ष अच्युत राज कलौनीको सभापतित्व रहेको थियो।
कार्यक्रममा बोल्दै प्रमुख अतिथि लेखकले विद्यालयले शिक्षाको क्षेत्रमा पुर्याएको योगदानको उच्च प्रशंसा गरेका छन्। साथै उनले विद्यालयलाई सकेको सहयोग गर्न सँधै तत्पर रहने प्रतिवद्धता समेत गरेका छन्।
साथै कार्यक्रममा विद्यालयको स्थापना र सञ्चालनमा महत्वपूर्ण योगदान पुर्याएका विभिन्न व्यक्तिहरूलाई सम्मान गरिएको छ्। विद्यालयका प्रधानाध्यापक हरि राज बिष्टले कार्यक्रममा वार्षिक प्रगति प्रतिवेदन प्रस्तुत गरेका थिए। त्यसैगरी विभिन्न सांस्कृतिक कार्यक्रम आयोजना गरिएका थिए भने विभिन्न विधामा उत्कृष्ट नतिजा ल्याउन सफल विद्यार्थीहरूलाई पुरस्कार समेत प्रदान गरिएको छ।
Discussion about this post