साताको पहिलो कारोबार दिन नेप्से परिसूचक सामान्य अंकले बढेको छ।
आइतबार नेप्से परिसूचक ५ दशमलव ८८ अंक बढेर १८८३ दशमलव २० बिन्दुमा पुगेको हो। सेन्सेटिभ इण्डेक्स शून्य दशमलव १४ अंकले, फ्लोट इण्डेक्स शून्य दशमलव २८ अंक र सेन्सेटिभ फ्लोट इण्डेक्स शून्य दशमलव ०२ अंकले बढेको छ।
आइतबार कारोबारमा आएका २७३ कम्पनीको ४८ लाख २८ हजार कित्ता शेयर १ अर्ब ६० करोड ४ लाख ९२ हजार रुपैयाँ बराबरको खरिदबिक्री भएको छ। गत बिहीबारको तुलनामा कारोबार रकम पनि बढेको छ।
अघिल्लो कारोबारमा करिब डेढ अर्बको शेयर कारोबार भएको थियो। नेप्सेका १३ उपसमूहमध्ये आइतबार ९ उपसमूहको परिसूचक बढेको छ।
४ उपसमूहको परिसूचक भने घटेको छ। जसमा निर्जीवन बीमा उपसमूहको परिसूचक २.८० प्रतिशत, होटल तथा पर्यटन र व्यापार उपसमूहको परिसूचक २ प्रतिशतभन्दा बढीले बढेको छ। जसमा वित्त, जलविद्यूत,उत्पादन तथा प्रशोधन उपसमूह र विकास बैंकको परिसूचक घटेको छ।
नेप्से परिसूचक बढेसँगै आइतबार दुई कम्पनीको शेयर सकारात्मक सर्किट लेभलमा कारोबार भएको छ। जसमा राष्ट्रिय बीमा कम्पनी र आत्मनिर्भर लघुवित्तको शेयर सकारात्मक सर्किट लेभलमा कारोबार भएको छ।
तर कारोबारमा आएको आदर्श लघुवित्तको शेयरमूल्य ६.५६ प्रतिशत घटेको छ। आइतबार कारोबारमा शिवम् सिमेन्ट्स कम्पनीको ६ करोड १७ लाख रुपैयाँ बराबरको शेयर खरिदबिक्री भएको छ। थाहा खबर बाट साभार
