महेन्द्रनगर- वर्तमान समयमा टिकटकमा निकै भाईरल अर्थात बहु चर्चामा रहेको एउटा गीत हो कलाकार जे आर भट्टको ‘मेरी इजु’ । मेरी इजुको नेपालीमा अर्थ हुन्छ ‘मेरी आमा’ । यो गीतमा पछिल्लो समय नेपाली टिकटक प्रेमीेले नबुझी नबुझी पनि टिकटकमा भिडियो बनाएर अपलोड गरिरहेका छन् । यसको सन्देश हो गीत संगीत अब भेगीय छैनन्, सिमाना, भाषा र ठाँउले संगीतलाई छेक्दैन् । चर्चामा रहेको यो गीत युट्युवमा हेर्दा पनि अपलोड गरेको सात दिनेमै ६ लाख जतिले हेरिसकेका छन् ।
गीतमा बिच बिचमा र्याप पनि समावेश भएपनि मौलिक शब्दहरु (जो अहिले लोप हुन थालिसकेका छन्) प्रयोग गरिएका छन् । विशेष गरि दार्चुला, बैतडी र डडेल्धुरामा बोलिने डोटेली भाषाका शब्दहरु गीतमा समावेश छन् ।
गीतका शब्दमा छोरीको वेदना र आमासँग छुटिएका प्रसँग उल्लेख छन् । छोरीको पराइ घर जाँदाको पीडालाई गीतको शब्द मार्फत प्रस्तुत गरिएको छ भने पुरानो चालचलन र परम्परालाइ गौरब जोशी र जे आर भट्टले डोटेली भाषाको प्रयोग गरी र्याप मार्फत व्याख्या गरेका छन् ।
डेउडाबाटै पछिल्लो समय चर्चामा आएका जे आर भट्टले गाउँघरतिर गाइने मौलिक गीत मेरी इजुको भाका सङ्कलन गरि गीतमा केही नयाँपन दिएका छन् । जे आर भट्टले शब्द सिर्जना गरेको उक्त गीत भुमीराज थापाले एरेन्ज, सेर बोहराले मिक्सिङ गरेका छन् भने लोकप्रिय गायीका गौरी भट्ट र जे आर भट्टले स्वर दिएका छन् ।
जे आर भट्ट र झरना बोहराले अभिनय गरेको म्युजिक भिडियो पुष्प भट्टले छायांकन, मासुम विष्टले निर्देशन र बिष्णु खड्काले सम्पादन गरेका छन् ।
गीतको भिडियो जेआर भट्ट नामक यूटयूब च्यानबाट सार्बजनिक गरिएको छ ।
भिडियो हेर्नुहोस् : https://youtu.be/D0zB-y6axIc
Discussion about this post