काठमाडौं । पुसको महिना चिसो ह्वात्तै बढ्न थालेको छ । यस्तो अवस्थामा चिसोबाट बच्न अधिकांशले घरमा हिटरको प्रयोग गर्न थालेका छन् । चिसिंदै गएको वायुलाई सन्तुलित तापमानमा राख्ने कृत्रिम काइदा हो हिटर । रुम हिटरको प्रयोग गरेर, कोठाको न्यानोपनलाई समयमै सजिलै कायम गर्न सकिन्छ ।
बजारमा कुन कुन ब्राण्डमा हिटरहरू उपलब्ध छन् ? कति मूल्य पर्छ ? उपभोक्तामा थुप्रै जिज्ञासा हुन सक्छ ।
कुन हिटरको कति मूल्य ?
सीजी
सीजीले ग्राहकहरूको सुविधाको लागि धेरै प्रकारको र विभिन्न मूल्य पर्ने हिटर बजारमा ल्याएको छ । सीजीको ओएफआर तथा ह्यालोजिन हिटर, पीटीसी फ्यान हिटर, कार्बन हिटर, ग्यास हिटर, इलेक्ट्रिक हिटर उपलब्ध छन् ।
सीजीको ओएफआर हिटरले कोठामा अक्सिजनको मात्रा घटाउँदैन । यस हिटरलाई झ्याल ढोका बन्द गरेर चलाए पनि फरक पर्दैन । ९ फिन, ११ फिन र १३ फिन गरी यो हिटर तीन क्षमताको हुन्छ । बजारमा १२ हजार ४९० देखि १४ हजार ६६० रुपैयाँसम्म यसको मूल्य पर्छ ।
सीजीको नयाँ उत्पादन पीटीसी फ्यान हिटरले पनि कोठामा अक्सिजनको मात्रा घटाउँदैन । यो १ हजार ५०० र २ हजार वाटमा उपलब्ध छ । जसको मूल्य ३ हजार ७०० रुपैयाँ र ११ हजार ८६० रुपैयाँ पर्छ ।
कार्बन हिटर ९ वाटको एउटा मात्र मोडल उपलब्ध छ । जसको मूल्य ४ हजार १५० रुपैयाँ पर्छ । अर्को ग्यास तथा इलेक्ट्रिक हिटर छ । जुन ग्यास र विद्युत् दुई तरिकाबाट चलाउन सकिन्छ । यसको मूल्य १४ हजार ९० रुपैयाँ पर्छ ।
सीजीले सानो साइजको फ्यान हिटर पनि बजारमा ल्याएको छ । जसको मूल्य ४ हजार ३८० रुपैयाँ पर्छ ।
ह्यालोजिन हिटर १२ सय वाट र १६ सय वाटमा उपलब्ध छ । यसमा दुई, तीन र चारवटा रड हुन्छ । मूल्य २ हजार ५८० देखि ५ हजार ५५० रुपैयाँ पर्छ । सीजीको ह्यालोजिन जस्तै देखिने तर सानो आकारको क्वाज हिटर पनि उपलब्ध छ । जसको मूल्य १ हजार ३९० देखि ३ हजार २०० रुपैयाँसम्म पर्छ ।
बाल्ट्रा
बाल्ट्राले पनि आफ्नो ग्राहकलाई लक्षित गरेर विभिन्न डिजाइन, क्षमता र मूल्यका हिटरहरू बजारमा ल्याएको छ । यस कम्पनीले फ्यान, हेलोजिन, ग्यास, क्वार्ज, कार्बन, वाल माउन्ट, ओइल फिल्ड, ग्यास र इलेक्ट्रिक हिटर बजारमा ल्याउने गरेको छ ।
बाल्ट्राको सम्पूर्ण फ्यान हिटर २ हजार वाटमा उपलब्ध छ । जसको मूल्य २ हजार २७५ देखि ४ हजार ८७५ रुपैयाँसम्म पर्छ । क्वार्ज हिटरको मूल्य १ हजार २७५ देखि २ हजार ८२५ रुपैयाँसम्म पर्छ ।
हेलोजिन हिटर १२ सय वाटमा उपलब्ध छ । हेलोजिनको मूल्य हजार ९ सय ७५ रुपैयाँ देखि ४ हजार २७५ रुपैयाँ पर्छ । ओइल फिल्ड हिटर ११ र १३ वटा फिन क्षमताको हुन्छ र यसको मूल्य १४ हजार ९७५ देखि १६ हजार ९२५ रुपैयाँसम्म पर्छ ।
पीटीसी हिटर २ हजार वाटको ४ हजार ९७५ रुपैयाँ पर्छ । क्वार्ज हिटरको मूल्य ६ हजार ९७५ रुपैयाँ पर्छ । वाल माउन्ट हिटर २ हजार वाटको मूल्य ८ हजार २०० रुपैयाँ पर्छ ।
यसुदा
यसुदाको फ्यान हिटर, क्वार्ज हिटर, हेलोजिन हिटर र ग्यास हिटर बजारमा उपलब्ध छन् । यसुदा ग्यास रुम हिटर ५००, एक हजार र १५ सय वाट क्षमताको हुन्छ । जसको मूल्य १२ हजार ४६० रुपैयाँ पर्छ ।
हेलोजिन हिटर ४००, ८०० र १२ सय वाटमा उपलब्ध छ, जसको मूल्य २ हजार ७०० देखि ३ हजार ९०० रुपैयाँ पर्छ । क्वार्ज दुईवटा रड भएको ४०० र ८०० वाटको हिटरको मूल्य १ हजार ४७० रुपैयाँ पर्छ । फ्यान हिटर एक हजार र दुई हजार वाटको मूल्य १ हजार ६४० रुपैयाँ पर्छ ।
बजारमा चलेका हिटर ब्रान्डहरू
यतिबेला स्थानीय बजारमा विदेशीसँगै विभिन्न स्वदेशी ब्राण्डहरूका हिटरहरू भेट्न सकिन्छ । माथि उल्लेख गरिएका सीजी, बाल्ट्रा, यसुदासहित हिमस्टार, भिडियोकोन, वेगा, इलेक्ट्रोन, होमग्लोरी, टीसीएल लगायत विदेशी तथा स्वदेशी ब्राण्डका एसी तथा रुम हिटरहरू नेपाली बजारमा उपलब्ध छन् । हिटरको क्षमता, उपयोगिता अनुसार मूल्य फरक पर्छ ।
कुन बढी उपयोगी ?
यही नै प्रकारको हिटर बढी उपयोगी हुन्छ भनेर भन्न सकिंदैन । सबै प्रकारका हिटर जाडोको लागि उपयोगी नै छन् । ग्राहकको रुचि, कोठाको आकार, क्षमता र बजेट अनुसार हिटर खरिद गर्न सकिन्छ ।
सुरक्षाको हिसाबले हेर्दा भने ओएफआर र पीटीसी फ्यान हिटर बढी उपयोगी हुन्छ । यस्ता हिटर एसी जस्तो हुन्छ । हिटर चलाउँदा झ्याल–ढोका खुल्ला राख्नु पर्दैन र अक्सिजनको कमी होला भन्ने डर पनि हुँदैन ।
हिटरको प्रयोग गर्दा ध्यान दिनुपर्ने कुरा
– हिटरलाई ढोकाको नजिक वा बाटोको नजिक नराख्नु उपयुक्त हुन्छ ।
– प्रज्वलनशील पदार्थहरू हिटरभन्दा टाढा राख्नुपर्छ ।
– बालबालिका र घरपालुवा जनावरको पहुँचबाट हिटरलाई टाढा राख्नुपर्छ ।
– समय–समयमा चलिरहेको हिटरलाई बन्द गरिरहनुपर्छ ।
– हिटर बलेको बेला ढोका र झ्याललाई पनि खुला राख्नुपर्छ ।
– हिटर नजिक बस्नुभएको छैन भने बन्द गर्दा बेस हुन्छ ।
– सुत्ने बेला हिटर बन्द गरेर सुत्नुपर्छ ।
(source : onlinekhabar.com)
