अन्तर्राष्ट्रिय विद्यार्थी दिवसको अवसरमा रक्तदान कार्यक्रम

कञ्चनपुर । अन्तर्राष्ट्रिय विद्यार्थी दिवसको अवसरमा महाकाली बहुप्राविधिक शिक्षालयका ल्याब र फार्मेसी तेस्रो वर्षमा अध्ययनरत विद्यार्थीले रक्तदान कार्यक्रम सम्पन्न गरेका छन् ।

आइतबार सम्पन्न उक्त कार्यक्रममा भीमदत्त नगरपालिकाका नगर प्रमुख पदम बोगटी प्रमुख अतिथि रहनु भएको थियो। भीमदत्त नगरपालिका उपप्रमुख निलम लेखक जोशी र शिक्षालयका निर्देशक परमल सिह साउद विशिष्ट अतिथि रहनु भएको थियो।

रक्तदान कार्यक्रममा शिक्षालयमा अध्ययनरत ९ जना विद्यार्थीहरूले रक्तदान गरेको शिक्षालयका निर्देशक परमल सिह साउदले बताएका छन् । रक्तदान गर्नेमा ललित भट्ट, जगत सिंह ठगुन्ना, मुकेश सिह महता, रोशन नाथ, निर्मल जोशी, विशाल कुँवर, पुष्प राज पाण्डेय, करिष्मा नाथ र लक्ष्मी बोहराले रहेका छन् ।

नेपाल रेडक्रस सोसाइटी महेन्द्रनगर शाखाका ल्याब इन्चार्ज नरेन्द्र देव जोशीले सहजिकरण गरेको कार्यक्रमको सञ्चालन शिक्षालयका सूचना अधिकारी चुडामणि शर्माले सञ्चालन गर्नु भएको थियो ।