बझाङका ७ जना खेलाडी स्वर्ण पदकका लागि छनोट
बझाङ – जिल्लाका ७ जना खेलाडी स्वर्ण पदकका लागि छनोट भएका छन्। फुलकन्ट्याक्ट कराते छनोट प्रतियोगितामा बझाङका ७ जना खेलाडी स्वर्ण पदकका लागि छनोट भएका हुन्।
छनोट हुनेमा पुरुष तौल समूहतर्फ विकास परिवार (४० किलो), वीरेन्द्र बोहरा (५० किलो), हेमन्त बोहरा (५५ किलो) र चन्द्र नेगी (६५ किलो) रहेका छन्। त्यस्तै, महिला तौल समूहतर्फ उषा रावल (४५ किलो), विमला रावल (५५ किलो) र ममिता बोहरा (खुल्ला) रहेका छन्।
रजत पदकमा राकेश धामी ४५ केजी तौल समूह, रुद्र विष्ट पुरुष खुल्ला तौल समूह, राकेश धामी ४५ केजी तौल समूह, गंगा बोहरा ५० केजी महिला तौल समूह, विमला बोहरा ४० केजी तौल समूह र कास्य पदक दिनेश बोहरा ६० केजी तौल समूह रहेका छन्।
१२ वटा तौल समूहमा ७ जना स्वर्ण पदकका लागि छनोट भएका बताइएको छ। गोदावरी न्युज बाट सभार
