सुदूरपश्चिम खबर
sudurpashimkhabar.com

बैतडीको वसन्तपुरमा खानेपानीको समस्या

123
Sana Kishan

बैतडीको पाटन नगरपालिका ५ वसन्तपुरमा खानेपानीको समस्या भएको छ । वसन्तपुरको कनेडा गाउँमा खानेपानीको चरम समस्या रहेको स्थानीय ध्वजसिंह ठगुन्नाले बताए ।

सुख्खायामको समयमा आधा घण्टाको पैदल दुरीमा रहेको मूहानबाट खानेपानी ल्याउनुपर्ने बाध्यता रहेको उनले बताए । नजिक मूहान नहुँदा टाढाबाट खानेपानीको जोहो गर्नुपर्ने अवस्था रहेको उनले सुनाए । उनले भने ‘हाम्रो गाउँमा खानेपानीको निकै समस्या रहेको छ । सुख्खायाममा खानेपानीको जोहो गर्न निकै मुस्किल हुन्छ ।’

Arus
Karnali Traders

गाउँमा खानेपानीको नहुँदा गाईवस्तु पाल्न समेत समस्या भएको स्थानीय पशुपति ठगुन्नाले बताइन् । घरकै लागि पानीको जोहो गर्न मुस्किल भएकोले वस्तुभाउका लागि पानी नै बोक्न नसकिने अवस्था रहेको उनले सुनाइन् । उनले भनिन् ‘टाढाबाट पानी बोक्न निकै समस्या रहेको छ । गाउँमा खानेपानी नहुँदा पिठ्युमा गेलेनमा बोकेर ल्याउनुपर्ने बाध्यता रही आएको छ ।’

गाउँमा खानेपानीको समस्या समाधानका लागि सम्बन्धित निकायहरुसंग पहल गर्दा समेत सुनुवाई नभएको स्थानीयहरुले बताएका छन् । पञ्चायतकालदेखि नै आफूहरुले खानेपानीको समस्या झेलीरहेको स्थानीय ध्वजसिंह ठगुन्नाले बताए ।

नगरपालिकाका विभिन्न स्थानमा खानेपानीको समस्या रहेकाले ती समस्या समाधानका लागि नगरपालिकाले पहल गर्ने उपप्रमुख कमलसिंह बोहराले बताए । वसन्तपुरमा मात्रै नभएर नगरपालिकाका धेरै जसो ठाउँमा खानेपानीको समस्या भएकोले ती समस्या समाधानका लागि पहल गर्ने उनले बताए । उनले भने ‘हामीेले पहिलो बर्षमा खानेपानी समस्या समाधानका लागि पहल गर्ने निर्णय गरिसकेका छौं । खानेपानी समस्यालाई पहिलो प्राथमिकतामा राखेर हामीले काम गर्छौं ।’ सगुन खबर बाट सभार

 

kfg mit mart
Indreni
सम्वन्धित समाचार
Ganesh Samudayik Ban
जवाफ छाड्नुस्

Your email address will not be published.