कञ्चनपुर – सुदूरपश्चिम प्रदेशकै पुरानो नगरपालिका कञ्चनपुरको भीमदत्त नगरपालिका नगर प्रमुखमा कांग्रेसका पदम बोगटीले पद तथा गोपनियताको शपथ लिएका छन्। सोमबार शपथ ग्रहणका क्रममा बोल्दै नगर प्रमुख बोगटीले नगरपालिकालाई स्वच्छ र नमुना बनाउने जिम्मेवारी पाएको बताएका हुन् ।
उनले भने ,‘भीमदत्त नगरपालिकालाई स्वच्छ र नमुना बनाउने जिम्मेवारी पाएको छु, यसलाई पूरा गर्नेछु, ‘राजनीति भनेको विकासका लागि हो र विकासका लागि इमानदारिता चाहिन्छ, इमानदारिता डगमगायो भने विकास सम्भव हुँदैन ।’
बोगटीले भीमदत्तमा बेरोजगारीको ठूलो समस्या भएकाले यसतर्फ योजना बनाएर अघि बढने बताए । लागूऔषधलगायत दुर्व्यसन पनि यस क्षेत्रको प्रमुख समस्या भएकाले भीमदत्तलाई दुर्व्यसन मुक्त नगर बनाउने बताए ।‘स्थानीय सरकार भनेको लोकतन्त्रको आधारशिला हो, स्थानीय सरकारहरू बलिया र पारदर्शी भएमा मात्रै लोकतन्त्र बलियो हुन्छ,’ बोगटीले भने ।‘ उनले जनप्रतिनिधिहरूलाई निष्पक्ष भई विकास निर्माणदेखि जनताको सेवामा जुट्नसमेत आग्रह गरे ।
उनी कांग्रेस कञ्चनपुरका सभापतिसमेत हुन् । कांग्रेसका केन्द्रीय सदस्य एनपी साउँद नेविसंघको अध्यक्ष हककुँदा बोगटी केन्द्रीय सदस्य थिए । गोदावरी न्युज बाट सभार
Discussion about this post