बैतडीको पाटन नगरपालिकाका प्रमुख गौरीसिंह रावल र उपप्रमुख कमलसिंह बोहराले पदभार ग्रहण गरेका छन् । नगरप्रमुख रावलले शुक्रबार र उपप्रमुख बोहराले आज पदभार ग्रहण गरेका हुन् ।
पदभार गर्दै नगरप्रमुख रावलले नगरबासीलाई केन्द्रमा राखेर काम गर्ने बताए । नगरबासीको इच्छा र आवश्यकता अनुसार काम गर्ने उनले बताए । नगरबासीहरुलाई नगरपालिकाको केन्द्रमा गाडीबाटै पुग्ने व्यवस्थाका लागि सडक स्तरोन्नती गरिने उनले बताए ।
यस्तै नगर उपप्रमुख कमलसिंह बोहराले स्थानीय श्रोत साधनको समुचित प्रयोग गरेर नगरपालिकाको विकासमा ध्यान दिने बताए । पदभार ग्रहण गरेपछि उनले बुद्धिजीविहरुको सल्लाहकार समिति गठन गर्ने बताए । उनले भने ‘नगर क्षेत्रको विकासका लागि यो ठाउँका बुद्धिजीविहरुको सल्लाह सुझाव अनुसार सल्लाहकार समिति बनाउने योजना बनाएको छु ।’
यस्तै नगरपालिकाभित्र खर्चलाई मितव्ययी बनाउने, परादर्शी र सुशासनयुक्त नगरपालिका बनाउन आफ्नो ध्यान केन्द्रित हुने उनले बताए । सगुन खबर बाट सभार
Discussion about this post