कञ्चनपुर । पूर्वपश्चिम महेन्द्र राजमार्ग अन्तर्गत शुक्लाफाँटा नगरपालिकाको अर्जुनी ब्यारेक नजिक जिपको ठक्करले दुई जनाको मृत्यु भएको छ ।
ईलाका प्रहरी कार्यालय झलारीका अनुसार मोटरसाइकल र जिप एक आपसमा ठोक्किदा बेदकोट– ५ धरमपुरका गणेश बम र सोही ठाउँका १८ वर्षीय भुपेश बमको मृत्यु भएको हो ।
उनीहरु सवार म २ प ६८३३ नम्बरको मोटरसाइकल र से १ च ४४८ नम्बरको जिप एक आपसमा ठोक्किएका थिए । प्रहरीका अनुसार सेती अस्पतालमा उपचारका क्रममा मोटरसाइकल चालक गणेश र उनको मोटरसाइकलको पछाडि बसेका भुपेशको मृृत्यु भएको हो ।
ठक्कर दिने जिपचालक कैलालीको धनगढी उपमहानगरपालिका–१३ का ३७ वर्षीय श्रीराम राना र जिप ईलाका प्रहरी कार्यालय झलारीको नियन्त्रणमा छन् ।
(दैनिक सञ्चार बाट सभार)
Discussion about this post