काठमाण्डौ – अफवाह फैलाएको अभियोगमा एक जना अनलाइन पत्रकारलाई प्रहरीले पक्राउ गरेको छ ।
केही दिन अगाडि सामाजिक सञ्जाल तथा अनलाइनका माध्यमबाट ‘काठमाण्डौका १० ठाउँमा बम विस्फोट’ भन्दै अमर्यादित र भ्रमपूर्ण समाचार सम्प्रेषण गरी अफवाह फैलाएको अभियोगमा कपिलवस्तु जिल्ला वाणगंगाका अनलाइन आवाज डट कमका सह–सम्पादक २१ वर्षीय गौरव खनाललाई जिल्ला प्रहरी कार्यालय रुपन्देहीले मंगलबार पक्राउ गरेको हो । उनलाई साइबर अपराध अन्तर्गत कारबाही प्रक्रिया अगाडि बढाइएको छ ।
थप अनुसन्धानका लागि खनाललाई काठमाण्डौ जिल्ला अदालतबाट ५ दिन म्याद थप गराई हिरासतमा राखिएको महानगरीय प्रहरी परिसर, काठमाण्डौका प्रवक्ता प्रहरी नायव उपरीक्षक होविन्द्र बोगटीले जानकारी दिनुभयो ।
![Dirghayu Ads](https://sudurpashimkhabar.com/wp-content/uploads/2024/06/Dirghayu.gif)