कञ्चनपुर – कञ्चनपुरको वेदकोट नगरपालिका वडा नम्बर -०९ सुन्दरपुर स्थित बैजनाथ मन्दिरमा ५१ केजीको घण्ट चढाइएको छ। सामाजिक अगुवा होली कमिटी २०८० ले होली खेलेर सङ्कलन भएको रकमबाट मन्दिरमा घण्ट चढाएको हो।
शुक्रबार कमिटीले मन्दिरमा बाजागाजा सहित घण्ट चढाइएको होली कमिटीका संयोजक कर्ण सिह बिष्टले बताएका छन्। धार्मिक क्षेत्रको प्रवर्द्धनका लागि होली खेलेर सङ्कलन भएको रकमबाट कमिटीले रू ५१ हजार रकम बराबरको ५१ केजीको घण्ट मन्दिरमा चढाएको उनको भनाई रहेको छ।
त्यसैगरी बैजनाथ सुडा खानेपानी उपभोक्ता तथा सरसफाइ समितिका अध्यक्ष पदम बहादुर कुँवरले धर्म र संस्कृतिको जगेर्ना र प्रवर्द्धन गर्न मन्दिरमा घण्ट चढाइएको बताएका छन्। साथै होली खेलकै रकमबाट वेदकोट -०९ कै बुडा बैजनाथ मन्दिर र सिद्द बैजनाथ मन्दिरमा समेत रू ११-११ हजार रकम बराबरको आवश्यक सामाग्री प्रदान गरिने उनको भनाई रहेको छ। जनताको पैसा सामाजिक कार्यमा लगाउने उद्देश्यले मन्दिरमा घण्ट चढाइएको उनले बताएका छन्।
![Mahakali Polytechnic](https://sudurpashimkhabar.com/wp-content/uploads/2024/08/Mahakali.gif)
![Dirghayu Ads](https://sudurpashimkhabar.com/wp-content/uploads/2024/06/Dirghayu.gif)