कञ्चनपुर - कञ्चनपुरको भीमदत्त नगरपालिका उत्तरी भेगमा रहेको एक सामुदायिक विद्यालयले वार्षिकोत्सव तथा अभिभावक दिवस मनाएको छ । भीमदत्त नगरपालिका ३ नयाँ तिलकपुरमा रहेको नव दुर्गा कालिका आधारभूत विद्यालयले २६ औँ वार्षिकोत्सव तथा अभिभावक दिवस मनाएको हो । कार्यक्रममा विद्यालयका प्रधानाध्यापक नर बहादुर धामीले विद्यालयको शैक्षिक गुणस्तर वृद्धि निरन्तर जारी रहेको बताए ।
प्रअ धामीले न्यूनतम स्रोत साधन अभावका बिचपनि विद्यालयले शैक्षिक गुणस्तर वृद्धि गरिरहेको बताए । प्रअ धामीले आगामी दिनमा समेत शैक्षिक स्तर वृद्धि गर्दै जाने प्रतिबद्धता जाहेर गरेका छन । प्रअ धामीले सामुदायिक विद्यालयको वृद्धि विकासका लागि सरोकारवाला निकायले चासो दिनुपर्नेमा आग्रह गरेका छन । विद्यालयका सहायक प्रधानाध्यापक द्रौपदी भट्टले वार्षिक प्रगति प्रतिवेदन प्रस्तुत गर्दै शैक्षिक स्तर वृद्धिमा जोड दिइन । शिक्षिका कुमारी अम्बिका जोशीले स्वागत मन्तव्य राखेका थिए ।
उत्कृष्ट विद्यार्थीलाई सम्मान सहित विविध सांस्कृतिक कार्यक्रम प्रस्तुत गरेका थिए । कार्यक्रमका प्रमुख अतिथि समेत रहेका सुप प्रदेशका निवर्तमान आर्थिक मामिलामन्त्री एव सुप प्रदेश सभा सदस्य प्रकाश बहादुर रावलले विद्यालयको वृद्धि विकासका लागि विगतमा पनि गरेको र भावी दिनमा गर्ने सहयोग गर्ने प्रतिबद्धता जाहेर गरेका छन । विद्यालय व्यवस्थापन समितिका अध्यक्ष जितेन्द्र सुनारको अध्यक्षतामा भएको कार्यक्रममा शिक्षा क्षेत्रका व्यक्तित्व, अभिभावक, विद्यार्थी, शिक्षक सहित स्थानीयको सहभागिता रहेको थियो ।
Discussion about this post