जिल्ला समन्वय समिति कञ्चनपुरद्वारा ‘कञ्चन दर्पण’ विमोचन

कञ्चनपुर । जिल्ला समन्वय समिति कञ्चनपुरद्वारा प्रकाशित ‘कञ्चन दर्पण’ पत्रिकाको विमोचन गरिएको छ। शनिबार जिल्ला समन्वय समितिको हलमा आयोजित एक कार्यक्रमका बिच वार्षिक रुपमा प्रकाशित हुने उक्त पत्रिकाको प्रथम संस्करणको विमोचन गरिएको हो ।

कार्यक्रमका सभाध्यक्ष एवम् जिल्ला समन्वय समिति कञ्चनपुरका प्रमुख दुर्गादत्त बोहराले कञ्चनपुर जिल्लाको संक्षिप्‍त विवरण, जिल्ला समन्वय समितिको संक्षिप्‍त परिचय, जिल्लास्थित विभिन्न स्थानीय तहहरूको संक्षिप्‍त वस्तुगत विवरण र जिल्ला समन्वय समितिबाट भएका काम कारवाहीको विवरण समावेश गरी पुस्तक प्रकाशन गरिएको बताए। उनले भने ‘कञ्चनपुर जिल्लाको समग्र परिचय दिनका लागी यो केवल एउटा सानो प्रयास हो । यो पुस्तक आफैमा पूर्ण छैन् हामिले एउटा प्रयास गरेको यसमा थुप्रै त्रुटिहरू हुन् सक्छन्, हामी ति त्रुटिहरू आगामी संस्करणमा सुधारेर यहाँ समक्ष प्रस्तुत गर्ने छौँ।’ साथै पुस्तकमा कञ्चनपुरको ऐतिहासिक, सामाजिक, सांस्कृतिक, आर्थिक, धार्मिक, राजनीतिक एवम् पर्यटकीयस्थलका बारेमा समेत जानकारी प्राप्त हुने उनको भनाइ छ ।

प्रमुख अतिथि लेखकले पुस्तक पढेर कञ्चनपुरको ऐतिहासिक, सामाजिक, सांस्कृतिक, आर्थिक, धार्मिक, राजनीतिक एवम् पर्यटकीयस्थलका बारेमा जानकारी प्राप्त हुने विश्वास व्यक्त गरे।  कार्यक्रममा बोल्दै वेदकोटका नगर प्रमुख भोजराज बोहराले कञ्चनपुरको सम्पूर्ण इतिहास एउटै किताबमा समेटेर प्रस्तुत गरेको भन्दै जिल्ला समन्वय समिति कञ्चनपुर प्रति आभार व्यक्त गरे। साथै उनले कञ्चनपुरको बारेमा जान्न चाहनेका लागी पुस्तकले सहयोग गर्ने बताए।  पुस्तकमा जिल्ला जिल्ला समन्वय समितिबाट सम्पादित क्रियाकलापका तस्बिरहरू समेत राखिएका छन् ।