तामाको भाँडोमा राखेको पानी पिउँदा नगर्नुहोस् यी ५ गल्ती !

तपाईंले धेरैलाई तामाको बोतल वा जगमा राखेर पानी पिउँदै गरेको देख्नु भएको होला । धेरै मानिसहरु बिहान खाली पेटमा यसो गर्छन् । राति तामाको भाँडो वा बोतलमा पानी राखेर बिहान खाली पेटमा पिउने गरिन्छ । तामाको भाँडोमा राखेको पानी पिउनुलाई आयुर्वेदमा निकै फाइदाजनक मानिन्छ । पुरातन समयमा अधिकांश मानिसहरू तामाको भाँडोबाट पानी पिउँथे । तामाको भाँडोमा पानी राख्नाले शरीरलाई उर्जा मिल्छ र शरीरमा रहेको विषाक्त पदार्थलाई बाहिर निकाल्छ भन्ने विश्वास गरिन्छ । तामाको भाँडोमा राखिएको पानी प्राकृतिक डिटोक्स पेय हो भन्ने गरिन्छ । साथै, तामाको भाँडोमा रातभर पानी राख्दा यसले पानीमा रहेका सबै ब्याक्टेरियालाई नष्ट गरी पानीलाई शुद्ध बनाउँछ । तामाको भाँडो वा बोतलमा राखेको पानी पिउनुका धेरै स्वास्थ्य लाभहरू छन् ।

तर के तपाईलाई थाहा छ, तामाको भाँडामा राखिएको पानी पिउनु अघि केहि महत्वपूर्ण कुराहरुमा पनि ध्यान दिनुपर्छ ? अन्यथा कतिपयले धेरै समस्याको सामना गर्नुपर्ने हुन सक्छ । भारतकी आयुर्वेदिक चिकित्सक डा. वरलक्ष्मीका अनुसार तामाको भाँडोको पानी पिउने क्रममा मानिसहरुले धेरै गल्ती गर्छन्, जुन स्वास्थ्यका लागि हानिकारक हुनसक्छ । यस लेखमा हामी तपाईलाई त्यस्ता ५ गल्तीका बारेमा बताइरहेका छौँ, जसलाई तपाईंले तामाको बोतल वा भाँडोबाट पानी पिउने क्रममा जोगिनै पर्छ ।

तामाको भाँडोमा राखिएको पानी पिउँदा के(कस्ता गल्तीहरूबाट बच्नुपर्छ

१. गर्मी मौसमको लागि उपयुक्त छैन

तामाको भाँडामा राखिएको पानीमा तातो शक्ति र एन्टिसेप्टिक गुण हुन्छ । यो गर्मी मौसमको सट्टा चिसो मौसममा तपाईंको शरीरलाई उपयुक्त हुन्छ । त्यसैले जाडोमा यसको सेवन गर्नु फाइदाजनक हुन्छ ।

२. राम्रोसँग भण्डारण नगरिएको

पिउनुअघि तामाको भाँडोमा कम्तिमा ६(८ घण्टासम्म पानीलाई उचित आयनाइजेसनका लागि राख्नुपर्छ ।

३. धेरै नपिउनुहोस्

कोठाको तापक्रम पानी भण्डारणको लागि उत्तम हुन्छ । फ्रिज आदिमा भण्डारण नगर्नुहोस् । साथै, एक दिनमा वा लामो समयसम्म दुई गिलासभन्दा बढी पिउनु हुँदैन । अत्यधिक सेवनले गर्मी हुन सक्छ र छालामा समस्या निम्त्याउन सक्छ ।

४. सबैका लागि लाभदायी छैन

एसिडिटीको समस्या, रगत सम्बन्धी असामान्यता र शरीरमा अत्यधिक गर्मी हुनेहरूलाई तामाको भाँडोमा राखिएको पानी राम्रो हुँदैन । यसले वाकवाकी र बान्ता हुने जस्ता समस्या पनि निम्त्याउन सक्छ ।

५. सरसफाईको ख्याल नगर्ने

सधैं सफा भाँडाहरू प्रयोग गर्नुहोस् र तामाका भाँडाहरूको उचित हेरचाह गर्न आवश्यक छ । किनभने तिनीहरू चाँडै अक्सिडाइज हुन्छन् । तिनीहरूलाई धुन कागतीको रस वा इमलीको पल्प प्रयोग गर्नुहोस् । यिनीहरुलाई सुक्खा राख्नुहोस् र प्रयोगमा नभएको बेला अँध्यारो ठाउँमा भण्डार गर्नुहोस् ।