बैतडीको सुर्नया गाउँपालिका वडा नं ३ मा ६ ओटा घर पहिरोको जोखिममा परेका छन् । शाखा सडका कारण वडाको बाँस गैरीगडा भन्ने ठाउँमा ६ जना स्थानीयहरुका घर पहिरोको उच्च जोखिममा परेका हन् ।
स्थानीय डम्बर सिंह विष्ट, झिमा विष्ट तुलसि विष्ट हरिभान विष्ट, दान सिंह विष्ट र खेरै विष्टको घर पहिरोको जोखिममा परेका स्थानीय राम सिंह विष्टले जानकारी दिए । खडखडा देखि गोराखाला सम्मको शाखा सडकले घरहरु पहिरोको उच्च जोखीममा परेका उनले बताए ।
लगातारको वर्षाका कारण सडक माथिको जमिन भाँसिएर घर भत्कीने अवस्थामा पुगेका उनको भनाई छ । शाखा सडक माथि रहेका घरहरु अहिले पहिरोले भत्कीने अवस्था पुगेका स्थानीय पार्वती विष्टले बताइन् । स्थानीय विष्टले भनिन् ‘बाँस गैरी गाउँका ६ घर पहिरोको जोखिमा छन् । ती मध्ये एक घर भत्कीने अवस्थामा पुगेको छ । लगातार पानीले जमिन भाँसिदैछ । पहिरोको जोखीममा रहेका मान्ेछहरु डराएर बसेका छन् ।’ स्थानीय डम्बर सिंह विष्टको घर आगन भाँसिएर भत्कीने अवस्थामा पुगेको उनले बताइन् ।
घर जोखीममा पर्ने भन्दै रोड विस्तारका क्रममा हारगुहार गरेपनि कसैले नसुनेर मनमर्जिले सकड काटिदा अहिले आफुहरुको विचल्ली भएको स्थानीय रामको गुनासो छ । पटक पटक सम्बन्धित निकायलाई वालको लागि माग गरेपनि सुनवाइ नभएको स्थानीयहरुले बताएका छन् ।
अहिले गैरी गाउँका नागरिकहरु पहिरोको त्रासमा डराएर बाँचीरहेका छन् । स्थानीय सरकार लगायत सरोकारवाला निकायहरुलाई उनिहरुले आफुहरुको पहिरोको समस्या समाधान गर्न घरको सुरक्षाका लागि माग गरेका छन् । सगुन खबर बाट सभार
Discussion about this post