बाजुरा – मंगरबार राति परेको अविरल वर्षाका कारण बाजुरामा बाढी आएपछि चारवटा घर बगाएको छ । जिल्लाको बुढीगंगा नदीमा अविरल वर्षाले आएको बाढीले घर बगाएको हो । बडिमालिका नगरपालिका २ भौनेरामा घर बगाउँदा चार परिवार नै विस्थापित भएका छन् ।
स्थानीय लक्ष्मी पण्डित र चन्द्रराज पण्डितको घर पूर्ण रूपमा बगाएको छ भने अम्मराज पण्डित र तर्कराज पण्डितको आधा बगाएको प्रहरीले जानकारी दिएको छ ।
मानिसहरुको उद्धार गर्न र विस्थापित परिवारलाई सुरक्षित ठाउँमा लैजानको लागि नेपाल प्रहरी, नेपाली सेना सशस्त्र प्रहरीको टोली घटनास्थलमा खटिएको छ । चार परिवारका २३ जनाको सकुशल उद्धार गरिएको प्रहरीले जानकारी दिएको छ । गोदावरी न्युज बाट सभार
