बझाङमा सेती नदीले जालेजगरमा सडक कटान गरेपछि यातायात बन्द

बझाङ –जिल्लामा सेती नदीले सडक कटान गरेको छ। नदीमा पानीको बहाव बढेपछि जिल्ला जोड्ने सडक कटान हुन थालेको हो। नदीको पानीले जयपृथ्वी राजमार्ग अन्तर्गत जालेजगरमा सडक कटान गरेपछि यातायात बन्द भएको छ। सेती वर्षायाममा उर्लिने नदी हो। नदीले कटान सुरु गर्न थालेपछि बस्तीहरु उच्च जोखिममा रहेका हुन् ।

जिल्ला प्रहरी कार्यालय बझाङका अनुसार जालेवगरमा सडक कटान हुन थालेको छ। अहिले साना सवारी आवतजावत भइरहे पनि ठुला सवारी भने ठप्प छन्। पानीको बहावलाई हेर्दा उक्त सडक अझै कटान हुने अनुमान गरिएको छ। गोदावरी न्युज बाट सभार