स्थानीय तहको निर्वाचनका लागि दार्चुलामा सबै राजनीतिक दलहरुले आआफ्नो उम्मेदवारी दर्ता गराएका छन्। सत्तारुढ दलहरुले भागबन्डाका आधारमा मनोनयन दर्ता गरेका छन् भने सत्तारुढ बाहेकका दलहरुले आआफ्नो आधारमा मनोनयन दर्ता गरेका छन्। केही स्थानीय तहमा भने नेकपा (एकिकृत समाजवादी) र स्वतन्त्र उम्मेदवाहरुले मनोनयन दर्ता गरेका छन्।
दार्चुलाको शैल्यशिखर नगरपालिकामा सत्तारुढ गठबन्धनबाट कांग्रेसका मेयरमा अमरसिंह धामी र उपमेयरमा राजमती बम पालले उम्मेदवारी दिएका छन्। त्यस्तै एमालेबाट नगर प्रमुखमा विजयसिंह धामी र उपप्रमुखमा शान्ति खडायतले उम्मेदवारी दिएका हुन् भने राप्रपाबाट योगी स्वामी रामानन्दले पनि नगरउपप्रमुखमा उम्मेदवारी दिएका छन्।
यस्तै महाकाली नगरपालिमा सत्तारुढ गठबन्धनबाट कांग्रेसका मेयरमा हंशराज भट्ट र उपप्रमुखमा सुना बोहराले मनोनयन दर्ता गरेका छन्। त्यस्तै एमालेबाट नगर प्रमुखमा नरसिंह चैसिर, उपप्रमुखमा दुर्गा बिष्टले उम्मेदवारी दिएका हुन्।
नौगाड गाउँपालिकामा सत्तारुढ गठबन्धनबाट माओवादीका अध्यक्षमा दलजितसिंह धामी र उपाध्यक्षमा कांग्रेसका जगतसिंह ठगुन्ना उम्मेदवारी दिएका छन्। त्यस्तै एमालेबाट अध्यक्षमा प्रेमसिंह धामी र उपाध्यक्षमा गौरीदेबी ठगुन्नाले उम्मेदवारी दिएका हुन्।
लेकम गाउँपालिकामा सत्तारुढ गठबन्धनबाट माओवादीका माओवादीका अध्यक्षमा रामदत्त जोशी र उपाध्यक्षमा कांग्रेसका सुना जोशीले मनोनयन दर्ता गरेका छन्। त्यस्तै एमालेबाट अध्यक्षमा परमानन्द जोशी र उपाध्यक्षमा माधवी जोशीले उम्मेदवारी दिएका हुन्। यस्तै एकीकृत समाजवादीबाट नरेन्द्र रावल, स्वतन्त्रबाट ईन्द्र साउद र दयालु नाथले पनि उम्मेदवारी दिएका छन्।
लेकम गाउँपालिकामा सत्तारुढ गठबन्धनबाट कांग्रेसका अध्यक्षमा नरेन्द्रसिंह धामी र उपाध्यक्षमा माओवादी केन्द्रका कल्यानसिंह धामीले मनोनयन दर्ता गरेका छन्। त्यस्तै एमालेबाट अध्यक्षमा हिरासिंह धामी र उपाध्यक्षमा गोमती भट्टले उम्मेदवारी दिएका हुन्।
व्यास गाउँपालिकामा सत्तारुढ गठबन्धनबाट कांग्रेसका अध्यक्षमा दिलिपसिंह बुढाथोकी र उपाध्यक्षमा माओवादीका बिनोदसिंह कुवँरले मनोनयन दर्ता गरेका छन्। त्यस्तै एमालेबाट अध्यक्षमा मंगलसिंह धामी र उपाध्यक्षमा चन्द्रादेबी कुँवरले उम्मेदवारी दिएका हुन्।
दुहुँ गाउँपालिकामा सत्तारुढ गठबन्धनबाट कांग्रेसका अध्यक्षमा पुलेन्द्रबहादुर कार्की र उपाध्यक्षमा शान्ति बमले मनोनयन दर्ता गरेका छन्। त्यस्तै एमालेबाट अध्यक्षमा नरेन्द्र बहादुर सिंह बडाल र उपाध्यक्षमा ताराकेशरी कुवरले उम्मेदवारी दिएका हुन्।
मार्मा गाउँपालिकामा सत्तारुढ गठबन्धनबाट माओवादीका अध्यक्षमा जमनसिंह धामी र उपाध्यक्षमा कांग्रेसका उमेश सिंहले मनोनयन दर्ता गरेका छन्। त्यस्तै एमालेबाट अध्यक्षमा देबसिंह महर, उपाध्यक्षमा राजु धामीले उम्मेदवारी दिएका हुन्।
अपीहिमाल गाउँपालिकामा सत्तारुढ गठबन्धनबाट माओवादीका अध्यक्षमा भगतसिंह ठेकरे र उपाध्यक्षमा कांग्रेसका देबकी बोहराले मनोनयन दर्ता गरेका छन्। त्यस्तै एमालेबाट अध्यक्षमा धर्मानन्द मन्याल र उपाध्यक्षमा उर्मीला बोहराले उम्मेदवारी दिएका हुन्।
वडाहरुमा पनि सत्तारुढ गठबन्धनले सहमतीमा र एमालेले पनि उम्मेदवारी मनोनयन गरेको छ। अन्नपूर्ण पोस्ट बाट सभार
Discussion about this post