निर्वाचन आयोगले साना राजनीतिक दलहरुको सक्रिय रहेको जिल्लामा मात्रै दलको निर्वाचन चिह्न दिने भएको छ ।
आयोगको बुधबार बसेको बैठकले निर्वाचनमा भाग लिन चाहेका ७३ वटा दललाई सक्रिय रहेको जिल्ला माग गर्ने निर्णय गरेको हो ।
यी दलहरुले निर्वाचन आयोगको जिल्ला र केन्द्रमा आफू सक्रिय रहेको जानकारी गराउनुपर्ने हुन्छ । उनीहरुले पेस गरेको पत्रका आधारमा आयोगले दलकै निर्वाचन चिह्न प्रदान गर्न लागिएको आयोगका प्रवक्ता शालिग्राम शर्मा पौडेलले बताए ।
’दललाई विवरण माग्ने निर्णय भएको छ । उनीहरु आफू सक्रिय रहेको जिल्ला किटान गरेर दिएपछि त्यही जिल्लामा मात्रै पार्टीको चुनाव चिह्न दिन यो निर्णय भएको हो,’ प्रवक्ता पौडेलले भने । स्थानीय निर्वाचन ऐनअनुसार राष्ट्रिय मान्यता प्राप्त ६ वटा पार्टीले मात्रै निर्वाचन चिह्न पाउँछन् । निर्वाचनमा ७९ दलले सहभागी हुन दल दर्ता गरेका छन् ।
सबै स्थानीय तहमा लागू नहुने गरी आयोगले सक्रिय रहेको स्थानमा मात्रै साना दलको चुनाव चिह्न प्रदान गर्न लागेको हो । मकर श्रेष्ठले ekantipur.com मा लेखेका छन्।
Discussion about this post