अण्डाको अत्याधिक प्रयोगले निम्त्याउन सक्छ यी समस्या !!

अण्डा विभिन्न प्रकारका लाभदायक पोषक तत्वहरूले भरिएको हुन्छ । अण्डाको सेतो र पहेँलो भाग दुवैमा प्रोटिन, भिटामिन र मिनरल्स जस्ता पोषक तत्वहरू पाइन्छ। अण्डाको पँहेलो भागमा कोलेस्ट्रोल, फ्याट, भिटामिन र आवश्यक फ्याटी एसिड पनि हुन्छ । सेलेनियम, भिटामिन डी, बि १६ बि १२, जिंक र फलाम र तामा जस्ता खनिजहरू पनि यी दुवै चीजहरूमा पाइन्छ।

अण्डाको पौष्टिक तत्वको कुरा गर्ने हो भने प्रोटिनको हिसाबले अण्डा सबैभन्दा सस्तो र सजिलै पाइने खानेकुरा हो । अण्डाको सेतो भागमा आधाभन्दा बढी प्रोटिन पाइन्छ, जसमा भिटामिन बी२ पनि हुन्छ। अण्डामा पाइने सेलेनियम क्यान्सरसँग लड्ने एन्टिअक्सिडेन्ट हो ।

यसमा पाइने फस्फोरसले हड्डीलाई स्वस्थ र दाँतलाई मजबुत बनाउन मद्दत गर्छ । अण्डामा पाइने क्याल्सियमले हड्डीलाई बलियो बनाउन मद्दत गर्छ। जिंकले तपाईंको इम्युन पावरलाई बलियो बनाउन काम गर्छ।

तपाईले प्रायः देख्नु भएको होला कि जिम जानेहरु र तौल घटाउने मानिसहरुले अण्डाको सेतो भाग मात्रै खाने गर्दछन् । सेतो भागबाट मात्रै बढी प्रोटिन पाइन्छ भन्ने यस्ता व्यक्तिहरुको विश्वास रहेको हुन्छ तर यो सत्य होइन। अण्डा गलत तरिकाले खाने बानीले गर्दा स्वस्थकर खानेकुरा पनि हाम्रो लागी हानिकारक बन्न पुग्दछ । ती चीजहरू मध्ये अण्डा पनि एक हो।

अण्डाको अत्याधिक प्रयोगले निम्त्याउन सक्छ यी समस्या

एलर्जी हुने खतरा
अण्डाको सेतो भागमा पनि एक प्रकारको एलर्जी हुन सक्छ । यो विशेषगरी बच्चामा देखिने गर्दछ । यसको लक्षणहरूमा घाउँ, दाग, पित्त, सुन्निने, नाकबाट सिँगान बग्नु,आँखा चिलाउने आदि समस्या देखिने गर्दछ । अण्डाको सेतो भाग एक गम्भीर एलर्जीको कारण पनि बन्नसक्छ जसलाई एनाफिलेक्टिक सोक पनि भनिने गरिन्छ । यसले रक्तचापमा कमी र तपाईंको घाँटी र अनुहार फुलाउने जस्ता धेरै लक्षणहरू निम्त्याउँछ।

फुड पोइजनको खतरा
यदि तपाईं काँचो अण्डाको सेतो भाग खाँदै हुनुहुन्छ भने पेटमा साल्मोनेला ब्याक्टेरिया जाने खतरा हुन्छ । यसले तपाईंलाई फुड पोइजनको खतरा हुनसक्छ । यो अण्डामा या त अण्डाको ब्रोकामा हुने गर्दछ । साल्मोनेला नष्ट गर्न अण्डालाई राम्रोसँग उमाल्नु धेरै महत्त्वपूर्ण छ।

किड्नीको समस्या
प्रोटिनयुक्त चीजहरू खानु स्वास्थ्यको लागि धेरै राम्रो हुन्छ तर धेरै प्रोटिनको सेवनले तपाईंलाई हानि पनि गर्न सक्छ। यदि तपाई मृगौलाको समस्याबाट पीडित हुनुहुन्छ भने प्रोटिनको मात्रा बढी खानु खतरनाक हुनसक्छ । अण्डामा उच्च मात्रामा प्रोटीन हुनाले तपाईलाई पायल्सको समस्या पनि हुनसक्छ ।

कब्जियत
अण्डाको सेतो भागमा प्रोटाीन र अन्य कैयौँ भिटामीन र खनिज पदार्थ हुने गर्दछ । तर त्यसमा प्रर्याप्त मात्रामा फाइबर भने हुँदैन। यसमा फाइबरको कमि हुनाले तपाईलाई कब्जियतको समस्या पनि हुनसक्छ । त्यसैले यदि तपाईको पेट सँधै गडबढ भइरहन्छ भने तपाईले अधिक मात्रामा अण्डाको सेतो भाग प्रयोग नगर्नुहोस् । नयाँ पुस्ता बाट सभार