काठमाडौं । सरकारले नेपाल प्रिमियर लिग (एनपीएल) का आठवटै फ्रेन्चाइज टोलीका लागि फ्लडलाइटसहितका क्रिकेट रङ्गशाला निर्माण गर्ने भएको छ।
प्रधानमन्त्री वालेन्द्र शाहले सामाजिक सञ्जालमार्फत आगामी तीन महिनाभित्र रङ्गशाला निर्माणको प्रक्रिया अघि बढाइने जानकारी दिनुभएको हो।
तेस्रो संस्करणको उपाधि विजेता सुदूरपश्चिम रोयल्सलाई बधाई दिँदै प्रधानमन्त्री शाहले एनपीएलको छैटौँ संस्करणदेखि प्रतियोगिता ‘होम एन्ड अवे’ प्रणालीमा सञ्चालन गर्ने योजना सार्वजनिक गर्नुभएको छ।
योजनाअनुसार विराटनगर किङ्ग्सका लागि बैजनाथपुर, लुम्बिनी लायन्सका लागि सिद्धार्थ, कर्णाली याक्सका लागि सुर्खेत र सुदूरपश्चिम रोयल्सका लागि धनगढीको फाप्लामा रङ्गशाला निर्माण गरिनेछ।
त्यस्तै, काठमाडौं गोर्खाजका लागि कीर्तिपुर, पोखरा एभेन्जर्सका लागि पोखरा, जनकपुर बोल्ट्सका लागि रामजानकी र चितवन राइनोजका लागि गौतमबुद्ध क्रिकेट रङ्गशाला निर्माण गर्ने योजना छ।
प्रधानमन्त्री शाहका अनुसार धनगढीको फाप्ला क्रिकेट रङ्गशाला निर्माणको प्रक्रिया यसअघि नै अघि बढिसकेको छ भने अन्य रङ्गशालाको निर्माण प्रक्रिया पनि आगामी तीन महिनाभित्र सुरु गरिनेछ।
क्रिकेटको व्यावसायिक विकास र विस्तारका लागि आवश्यक पूर्वाधार निर्माण गर्न सरकार प्रतिबद्ध रहेको उल्लेख गर्दै प्रधानमन्त्री शाहले यी रङ्गशाला नेपाल सरकारको पूर्वाधार विकास मन्त्रालयमार्फत निर्माण गरिने जानकारी दिनुभएको छ।










Discussion about this post