काठमाडौं । मध्यपूर्वमा तनाव थप चर्किएको छ। इरानले बहराइनमा रहेका अमेरिकी सैन्य अखडालाई लक्षित गर्दै ड्रोन तथा ब्यालेस्टिक क्षेप्यास्त्र आक्रमण गरेको अन्तर्राष्ट्रिय सञ्चारमाध्यमले जनाएका छन्।
गएराति भएको आक्रमणमा बहराइनस्थित चारवटा अमेरिकी सैन्य अखडालाई निशाना बनाइएको इरानी पक्षले दाबी गरेको छ। आक्रमणमा अमेरिकी सैन्य संरचना, हवाई प्रतिरक्षा प्रणाली र राडार संयन्त्रलाई लक्षित गरिएको बताइएको छ।
इरानले अमेरिकी सेनाको प्याट्रियट क्षेप्यास्त्र प्रतिरक्षा प्रणाली तथा राडारमा क्षति पुगेको दाबी गरेको छ। तर, उक्त दाबीको स्वतन्त्र पुष्टि हुन सकेको छैन।
अमेरिका र बहराइन दुवै पक्षले आक्रमणबाट भएको क्षतिबारे आधिकारिक विवरण सार्वजनिक गरेका छैनन्। त्यसैले आक्रमणको वास्तविक प्रभाव र क्षतिको विवरण आउन बाँकी छ।










Discussion about this post