काठमाडौं । नेपाली बजारमा सुनचाँदीको मूल्यमा गिरावट आउने क्रम जारी रहेको छ। साताको पहिलो कारोबार दिन आइतबार सुनको मूल्य प्रतितोला २ हजार ८ सय रुपैयाँले घटेको हो।
नेपाल सुनचाँदी व्यवसायी महासंघका अनुसार आइतबार छापावाल सुन प्रतितोला २ लाख ४२ हजार ६ सय रुपैयाँमा कारोबार भइरहेको छ। यसअघि शुक्रबार सुनको मूल्य प्रतितोला २ लाख ४५ हजार ४ सय रुपैयाँ रहेको थियो।
त्यस्तै, चाँदीको मूल्यमा पनि गिरावट आएको छ। आइतबार चाँदी प्रतितोला ४५ रुपैयाँले घटेर ३ हजार ६५ रुपैयाँ कायम भएको महासंघले जनाएको छ। शुक्रबार चाँदी प्रतितोला ३ हजार १ सय १० रुपैयाँमा कारोबार भएको थियो।
तिहारपछि नेपाली बजारमा सुनको मूल्य लगातार घटिरहेको छ। सुनचाँदीको मूल्यमा आएको गिरावटले बजारमा यसको कारोबारमा समेत प्रभाव पार्ने देखिएको छ।










Discussion about this post