काठमाडौं । राष्ट्रिय स्वतन्त्र पार्टी (रास्वपा) का सांसद डा. अमरेशकुमार सिंह जनताका समस्या, गुनासा र अपेक्षा बुझ्न दुई महिने मेची–महाकाली पदयात्रामा निस्किएका छन्।
सिंहका अनुसार जात, धर्म, वर्ग र भूगोलका आधारमा हुने विभाजन अन्त्य गर्दै राष्ट्रिय एकता मजबुत बनाउनु पदयात्राको मुख्य उद्देश्य हो।
सोमबार जनकपुरधाममा आयोजित कार्यक्रममा उनले मंगलबार बिहान मेची नदीको किनारबाट सुरु हुने पदयात्रा आगामी माघ १ गते मकर सङ्क्रान्तिका दिन महाकाली नदीको किनारमा पुगेर समापन हुने जानकारी दिए।
पदयात्राका क्रममा जनताको घरदैलोमा पुगेर उनीहरूका समस्या, गुनासा र अपेक्षा सुन्ने उनको भनाइ छ। उनले यस अभियानलाई देश र समाजलाई जोड्ने प्रयासका रूपमा व्याख्या गरेका छन्।










Discussion about this post