काठमाडौं । आईसीसी विश्वकप क्रिकेट लिग–२ अन्तर्गत आफ्नो अन्तिम खेलमा नेपालले आज घरेलु टोली ओमानसँग प्रतिस्पर्धा गर्दैछ। नेपाली समयअनुसार बिहान सवा ११ बजे अल अमिरातमा सुरु हुने खेल नेपालका लागि एकदिवसीय मान्यता जोगाउने दृष्टिले महत्त्वपूर्ण छ।
शृङ्खलाका शुरुआती दुई खेल जितेको नेपाल तेस्रो खेलमा क्यानडासँग २४ रनले पराजित भएपछि दबाबमा परेको हो। हाल नेपाल ३५ खेलमा २८ अंकसहित अंकतालिकाको सातौँ स्थानमा छ भने ३६ खेलबाट २९ अंक जोडेको क्यानडा छैटौँ स्थानमा छ।
शीर्ष ६ मा पर्ने सम्भावना कायम राख्न नेपालले ओमानविरुद्ध जित निकाल्नुपर्नेछ। ओमान भने ३३ अंकसहित चौथो स्थानमा छ।
यसअघि शीर्ष चारमा पर्न असफल भएको नेपालले सन् २०२७ को एकदिवसीय विश्वकप छनोटमा पुग्न प्लेअफ खेल्नुपर्नेछ।
Discussion about this post