राष्ट्रिय मानव अधिकार आयोगका अध्यक्ष तपबहादुर मगरले सरकारलाई गरिएका ५२.६० प्रतिशत सिफारिस कार्यान्वयन नभएको बताएका छन्। शुक्रबार संघीय संसदको समितिको बैठकमा उनले हालसम्म १३.९ प्रतिशत सिफारिस पूर्ण र ३४.१२ प्रतिशत आंशिक रूपमा कार्यान्वयन भएको जानकारी दिए।
आयोगमा परेका करिब १४ हजार उजुरीमध्ये ८० प्रतिशत द्वन्द्वकालीन मुद्दा रहेको उनले बताए। पीडितलाई वितरण गर्नुपर्ने ३३ करोड रुपैयाँ क्षतिपूर्तिमध्ये १० करोड मात्र वितरण भएको र बाँकी २३ करोड भदौ मसान्तभित्र उपलब्ध गराउने प्रतिबद्धता सरकारले जनाएको मगरले जानकारी दिए।
Discussion about this post