सरकारले राष्ट्रसेवक कर्मचारीको नयाँ तलबमान स्वीकृत गरेको छ। मन्त्रिपरिषद्को बैठकले साउनदेखि लागू हुने गरी नयाँ तलबमान अनुमोदन गरेको हो।
नयाँ व्यवस्थाअनुसार मुख्य सचिव र प्रधान सेनापतिले ९० हजार ५९४ रुपैयाँ तलब पाउनेछन् भने प्रथम स्तरका कार्यालय सहयोगीको तलब २८ हजार ९८४ रुपैयाँ कायम भएको छ। प्रहरी महानिरीक्षक (आईजीपी) को तलब ८४ हजार ५७६ रुपैयाँ तोकिएको छ।
सरकारले कर्मचारीको तलबमा १० प्रतिशत र प्रोत्साहन भत्तामा १० प्रतिशत वृद्धि गरेको छ भने पेन्सनधारीका लागि १० प्रतिशत पेन्सन वृद्धि गरिएको छ।
Discussion about this post