प्रल्हाद जोशी बने भारतका नयाँ केन्द्रीय शिक्षामन्त्री

भारतका केन्द्रीय शिक्षा मन्त्रीको जिम्मेवारी प्रल्हाद जोशीलाई दिइएको छ। धर्मेन्द्र प्रधानको राजीनामा स्वीकृत भएपछि राष्ट्रपति द्रौपदी मुर्मुले प्रधानमन्त्रीको सिफारिसमा जोशीलाई शिक्षा मन्त्रालयको जिम्मेवारी तोकेकी हुन्।

जोशीले उपभोक्ता मामिला, खाद्य तथा सार्वजनिक वितरण मन्त्रालयसँगै नवीन तथा नवीकरणीय ऊर्जा मन्त्रालयको जिम्मेवारी पनि सम्हाल्नेछन्।

धर्मेन्द्र प्रधानको राजीनामाको माग गर्दै नयाँ दिल्लीमा जारी आन्दोलनपछि सरकारसँगको तेस्रो चरणको वार्तापछि आन्दोलनकारी पक्षले आन्दोलन स्थगित गरेको छ। प्रधानको राजीनामापछि प्रदर्शनकारीहरूले जन्तर–मन्तरमा खुसीयालीसमेत मनाएका छन्।