नेपाल टेलिकमले मुगु र बाजुराका दुर्गम हिमाली क्षेत्रमा फोरजी सेवा सञ्चालनमा ल्याएको छ। टेलिकमले मुगुको सोरु गाउँपालिका–६ सोरुकोट तथा बाजुराको हिमाली गाउँपालिका–१ बिच्छ्या र वडा नम्बर ५ कुवाडी क्षेत्रमा फोरजी सेवा विस्तार गरेको हो।
सेवा सञ्चालनसँगै स्थानीयले उच्च गतिको इन्टरनेट, गुणस्तरीय मोबाइल भ्वाइस तथा एसएमएस सुविधा पाउने भएका छन्। टेलिकमले यसबाट शिक्षा, स्वास्थ्य, सूचना प्रवाह र सरकारी सेवामा नागरिकको पहुँच थप सहज हुने जनाएको छ।
Discussion about this post